________________
(પાપ કરો તો જાવ પાતાળમાં )
પાપ
મધ્યલોકમાં રહેલા મનુષ્યના ૩૦૩ ભેદ અને તિર્યંચોના ૪૮ ભેદો આપણે વિચાર્યા.ચાલો હવે અધોલોક અને ઉર્ધ્વલોકમાં રહેલા નરકગતિ અને દેવગતિના જીવોનો પણ વિચાર કરીએ. /
સંસારી જીવોની ચાર ગતિ છે : (૧) નરકગતિ (૨) તિર્યંચગતિ (૩) મનુષ્યગતિ; અને (૪) દેવગતિ.
આ ચાર ગતિમાંથી નરક અને તિર્યંચગતિ ખરાબ ગતિ છે; જ્યારે મનુષ્યગતિ અને દેવગતિ સારી ગતિ છે. પણ સૌથી શ્રેષ્ઠ ગતિ તો મોક્ષગતિ જ છે.
ચાર ગતિમાંથી ગમે તે ગતિમાં જઈએ તો પણ તે ભવપૂર્ણ કર્યા પછી પાછા કોઈને કોઈ ગતિમાં ભટકવું જ પડે. જ્યાં આપણી ઈચ્છા જવાની ન હોય તેવી ગતિમાં ઈચ્છા વિના જન્મ લેવો પડે. પાપ ભરેલા ને દુઃખ ભરેલા જીવન જીવવા પડે અને રીબામણથી ભરપૂર મોત સ્વીકારવા પડે.
જ્યારે મોક્ષગતિ એ એવી ગતિ છે કે જયાં ગયા પછી ફરી કોઈ જ ગતિમાં જવું ન પડે. સદા ત્યાંને ત્યાં જ ભરપૂર આનંદમાં રહેવાનું. પછી કોઈ ગતિમાં જન્મ નહિ; માટે મરવાનું દુઃખ પણ નહિ. પાપમય જીવન નહિ કે રોગમય – ઘડપણમય શરીર પણ નહિ !
માટે જ મોક્ષગતિ એ સર્વશ્રેષ્ઠ ગતિ છે. તેમાં જવાનો જ પુરુષાર્થ આ દુર્લભ માનવભવમાં કરવો જોઈએ. પણ નરકમાં જવું પડે તેવું તો કાંઈ જ ન કરાય.
મિત્રો ! ઉનાળાના વૈશાખ મહીનાના ધોમધખતા ભર બપોરે, ધગધગતા સળગતા કોલસાની પથારી કરીને, જો તમે સુવાડો તો તે ગરમીને પણ અત્યંત ઠંડી સમજીને, ઘસઘસાટ સૂઈ જાય તેવા જીવો પણ આ દુનિયામાં વસે છે. તેની તમને જાણ છે?
શિયાળાની મહામાસની કડકડતી ઠંડીમાં, હિમાલયના બરફની લાદીઓની પથારી બનાવીને સુવાડો તો જાણે કે ડનલોપની ગાદીમાં સૂઈ ગયા છીએ તેમ ઘસઘસાટ સૂઈ જનારા જીવો પણ આ દુનિયામાં વસે છે, તેની પણ શું તમને જાણ છે?
તે જીવો છે : પોતે કરેલા પાપકર્મોની સજા ભોગવવા માટે અત્યંત દુઃખથી રીબાતા નરકના જીવો!
આજના શોધાયેલા ૭ખંડો રૂપ જ સમગ્ર દુનિયા નથી. હજુ તો વૈજ્ઞાનિકોએ ઘણું શોધવાનું બાકી છે. સમગ્ર વિશ્વ તો ચૌદ રાજલોકમય છે. પૂર્વે જણાવ્યું તેમ ૧૪ રાજલોકનો આકાર, પોતાના બે પગોને શક્ય તેટલા પહોળા કરીને, કમરે હાથ રાખીને
