Page Text
________________
કેટલીક ધર્મશાળાઓમાં સ્પેશ્યલ રૂમ પણ હોય છે ને કોમન હોલ પણ હોય છે. એક રૂમમાં એક જ ફેમીલી ઉતરે તે સ્પેશ્યલ રૂમ કહેવાય જયારે એક જ હોલમાં એકી સાથે ઘણા ફેમીલી રહી શકે તેને કોમન હોલ કહેવાય છે. તેમ અહીં પણ એક શરીરમાં એક જ જીવ રહે તો તે પ્રત્યેક કહેવાય પરંતુ એક જ શરીરમાં અનંતાજીવો સાથે રહે તો તે શરીર ઘણા જીવો માટે કોમન સાધારણ હોવાથી તે જીવ સાધારણ કહેવાય. વનસ્પતિકાય સિવાયના તમામ જીવો તો એક શરીરમાં એક જીવ તરીકે જ રહે છે, માટે બધા પ્રત્યેક છે, જ્યારે વનસ્પતિકાયમાં કેટલાક જીવો એક શરીરમાં એક જીવ રૂપે રહે છે, તે પ્રત્યેક વનસ્પતિકાય તરીકે ઓળખાય છે, તો કેટલાક પ્રકારના જીવો એકી સાથે અનંતા ભેગા થઈને એક જ કોમન શરીરમાં રહે છે, તેઓ સાધારણ વનસ્પતિકાય તરીકે ઓળખાય છે.
(બ) સાધારણ વનસ્પતિકાય : બટાકા, કાંદા, લસણ, શક્કરીયા, ગાજર, આદુ, મૂળા, બીટ, વગેરે કંદમૂળો સાધારણ વનસ્પતિકાય છે. સોયની ઉપરના ટોચના ભાગમાં બટાકાનો જેટલો ભાગ રહે, તે પણ અસંખ્યાતા શરીરોનો સમૂહ છે. તેમાંના દરેક શરીરમાં અનંતા-અનંતા જીવો એકી સાથે રહેલાં છે. સાથે જન્મે છે, સાથે મરે છે, સાથે શ્વાસ લે છે. તેમની બધી ક્રિયાઓ સામુદાયિક છે.
અસંખ્યાત એટલે અબજોના અબજો કરતાં ય ઘણી બધી મોટી રકમ. પણ અનંત એટલે અસંખ્યાત કરતાંય ઘણી બધી મોટી રકમ, કાચા પાણી વગેરેમાં અસંખ્યાતા જીવોની હિંસા છે, જયારે બટાકા વગેરે સાધારણ વનસ્પતિકાયના ભોજનમાં તો અનંતાજીવોની હિંસા છે. તેથી કંદમૂળનો (સાધારણ વનસ્પતિકાયનો) તો સદા માટે ત્યાગ જ કરી દેવો જોઈએ.
આટલી નાની જગ્યામાં અનંતા જીવો શી રીતે રહે? તેવી શંકા ન કરવી. કપ્યુટરની નાની ફૂલોપીમાં કેટલા બધા ડેટા સમાય છે ? મેમરીમાં કેટલું બધું સ્ટોર થાય છે?
જે મકાનમાં ર૫ બલ્બનો પ્રકાશ હોય તે ઘરમાં છોકરીના હાથમાં રહેલી સોયના અગ્રભાગ ઉપર ૨૫ બલ્બમાંથી કયા બલ્બનો પ્રકાશ ન હોય? બધા બલ્બનો પ્રકાશ હોય જ ને? તે રીતે ધારો કે અનંતા બલ્બનો પ્રકાશ તે રૂમમાં હોય તો સોયના ઉપરના ભાગમાં અનંતા બલ્બોનો પ્રકાશ પણ રહી જ જાય ને? જો સોયના અગ્રભાગ ઉપર અનંતા બલ્બોનો પ્રકાશ રહી શકે તો સોયના અગ્રભાગ ઉપર અનંતા જીવો કેમ ન રહી શકે ?
આપણા પરમાત્મા તો સર્વજ્ઞ હતા, કેવળજ્ઞાની હતા, તેમણે પોતાના જ્ઞાનના
| SR No. | 008960 |
| Book Title | Tarak Tattvagyan |
| Original Sutra Author | N/A |
| Author | Meghdarshanvijay |
| Publisher | Akhil Bharatiya Sanskrutirakshak Dal |
| Publication Year | |
| Total Pages | 186 |
| Language | Gujarati |
| Classification | Book_Gujarati, Philosophy, & Religion |
| File Size | 2 MB |