________________
એટલે કે ૭૦૫૬૦ અબજ X ૮૪ લાખ વર્ષનું હતું.
તેઓ શાશ્વતગિરિરાજ શ્રી શત્રુંજયતીર્થની યાત્રાએ ૯૯ પૂર્વ વાર પધાર્યા હતા. એટલે કે ૯૯ x ૭૦૫૬૦ અબજ વર્ષ વાર તેઓ શત્રુંજય તીર્થાધિરાજ ઉપર પધાર્યા હતા. તેની યાદમાં આજે પણ પ્રતીક રૂપે શત્રુંજય ગિરિરાજની નવ્વાણું યાત્રા કરવાની પરંપરા ચાલે છે.
આજના વિજ્ઞાનના યુગમાં કપ્યુટર પણ જે આંકડા ન બતાડી શકે તે આંકડા અને તેની ગણતરી જૈન શાસ્ત્રોએ બતાડી છે. ૧૪૦ મીંડાંવાળી શીર્ષપહેલીકા સુધીની સંખ્યાઓ જૈન શાસ્ત્રોમાં જોવા મળે છે. ત્યારપછીની ગણતરી માટે જૈનશાસ્ત્રોમાં પલ્યોપમ, સાગરોપમ વગેરે શબ્દોના પ્રયોગો કરવામાં આવ્યા છે. તેનું પ્રમાણ આંકડાઓ દ્વારા જણાવી શકાતું નથી.
(પલ્યોપમ : પલ્ય = પવાલો | કૂવો. ઉપમા - સરખામણી.
પવાલાની ઉપમાથી જે પ્રમાણ જણાવવામાં આવે છે તે પલ્ય + ઉપમા = પલ્યોપમ કહેવાય છે.
પવાલાની ઉપમા આ પ્રમાણે છે.
ધારો કે એક યોજન (ચાર ગાઉ, હાલના લગભગ ૧૩ કિ.મીટર) લાંબો, એક યોજન પહોળો અને એક યોજન ઊંડો ખાડો (પવાલો) ખોદીને તેમાં સાત દિવસના જન્મેલા યુગલિક બાળકના સુકોમળ પાતળા, બારિક વાળના અસંખ્ય ટુકડા કરીને ભરવામાં આવે (આવું કોઈએ કર્યું નથી, કરતું નથી કે કરવાનું નથી. આ તો માત્ર કલ્પના છે. તે પણ એવા ખીચોખીચ દાબી દાબીને ભરવાના કે જેથી તેમાં પાણીનું ટીપું પણ પ્રવેશી ન શકે. તેની ઉપર રોલર ફેરવીને તેને સઘન કરવાનું. નાનકડા છિદ્ર (કાણા) જેટલી પણ જગ્યા નહિ રાખવાની.
પછી દર સો સો વર્ષે તેમાંથી એક-એક વાળનો ટુકડો કાઢવાનો. આ રીતે કરતાં આ પવાલાને (ખાડાને) સંપૂર્ણ ખાલી થતાં જેટલા વર્ષો લાગે તેટલા કાળને એક પલ્યોપમ કહેવામાં આવે છે.
એક સામાયિક કરવાથી, ૯૨, ૧૯, ૨૫,૯૨૫ પલ્યોપમ જેટલું દેવલોકનું સુખ મળે તેટલું શતાવેદનીય બંધાય છે. ત્યાં પલ્યોપમ એટલે ઉપર જણાવેલ અસંખ્યાતા વર્ષો જાણવા.
સાગરોપમ સાગર = દરિયો. દરિયાની ઉપમા (સરખામણી)થી જાણી શકાય તેટલા વર્ષોના કાળને સાગરોપમ તરીકે ઓળખવામાં આવે છે.
૧૩૧
