Page Text
________________
પરમાત્મા વરસીદાન આપવાનો પ્રારંભ કરે છે. ૩,૮૮,૮૦,00000 સોનૈયાનું પરમાત્મા દાન કરે છે. અને પછી પરમાત્મા દીક્ષા લે છે.
જો લોકાંતિક દેવો વિનંતી કરે તો જ ભગવાન દીક્ષા લે, નહિ તો ન લે; તેવું નથી. પણ જેમ જમાઈરાજ ઘરે આવવાનું નક્કી હોય; તમે સ્ટેશને લેવા જાવ કે ન જાવ, તો ય ઘરે આવવાના જ હોય છતાં ય તેમને લેવા જવાનો એક વ્યવહાર છે, તેમ પરમાત્મા સ્વયં બોધ પામીને દીક્ષા સ્વીકારવાના હોવા છતાં ય લોકાન્તિક દેવોનો આ એક આચાર છે કે પરમાત્માને તેમની દીક્ષાના એક વર્ષ પહેલા ઉપરોક્ત વિનંતી કરવી.
આ દેવોને હવે પછી સંસારમાં એક-બે ભવ જ કરવાના બાકી હોવાથી તેઓ લોક સંસાર) ના અંતે આવી ગયા કહેવાય; માટે તેમને લોકાન્તિક દેવો કહેવાય છે. તેઓ નવ પ્રકારના છે. પાંચમા બ્રહ્મલોક નામના દેવલોકની જમણી બાજુ આવેલા અરિષ્ટ નામના પ્રતર ઉપર તેમના વિમાનો આવેલાં છે.
ત્રણ કિલ્બિષિક દેવો
પેલા કુમારનંદી સોનીની તો ખબર છે ને? પાંચસો પાંચસો સ્ત્રીઓને પરણવા છતાંય એ ધરાયો નહોતો. દેવાંગનાઓના રૂપદર્શને તે લપટાયો હતો. હાસા અને પ્રહાસા નામની દેવીઓના કહેવાથી, તેમને મેળવવા તે જીવતો બળી મર્યો. અને દેવલોકમાં દેવ પણ બન્યો. પણ અફસોસ ! એ લટકી પડ્યો ! એના લમણે ઢોલી તરીકેની સર્વિસ ટીચાણી. ધરતીની સ્ત્રીઓ ગુમાવી બેઠો અને આકાશની અપ્સરાઓ પણ હાથ ન લાગી !
ભૂતકાળનો તે શ્રીમંત હવે ઢોલી બનવા તૈયાર શું થાય? ઢોલ ગળામાં નાંખી વગાડવા તૈયાર ન થયો તો ઢોલ સામેથી ગળામાં આવીને વળગ્યું. વગાડ્યા સિવાય છૂટકો તેનો થાય તેમ નહોતો.
બિચારો ઢોલ વગાડતો વગાડતો દિનરાત પસાર કરે, અંદર વાસનાઓથી • જલ્યા કરે. આમથી તેમ અથડાયા કરે. પણ ભાગ્ય તેનું હજુ જાગતું હશે. જેથી કોક દિ મિત્રદેવ મળી ગયો. એણે આને સમજાવ્યો. ભાઈ! દેવીઓના દર્શન રહેવા દે, તેને બદલે હવે દેવાધિદેવના દર્શન કર. તેથી તારા ચિત્તમાં શાંતિ થશે. અશાંતિ દૂર થશે. પ્રભુના દર્શને ખરેખર તેને શાંતિ મળી. તેનું જીવન ઉગરી ગયું.
આ કુમારનંદી સોની કિલ્બિષિક દેવલોકમાં ઉત્પન્ન થયો હતો, માટે પરાણે તેના ગળામાં ઢોલક આવી જતું હતું. જેમ આપણી દુનિયામાં વાઘરી ચંડાલ વગેરે જેવા હલકા માનવો વસે છે, તેમ દેવલોકની દુનિયામાં પણ તેવા હલકા કામ કરનારા હલકા દેવો છે. તે દેવો કિલ્બિષિક દેવ તરીકે ઓળખાય છે.
પહેલા-બીજા દેવલોક નીચે, ત્રીજા દેવલોક નીચે અને છઠ્ઠા દેવલોક નીચે; એમ ત્રણે સ્થળે કિલ્બિષિક દેવોને રહેવા માટેનાં વિમાનો છે.
| SR No. | 008960 |
| Book Title | Tarak Tattvagyan |
| Original Sutra Author | N/A |
| Author | Meghdarshanvijay |
| Publisher | Akhil Bharatiya Sanskrutirakshak Dal |
| Publication Year | |
| Total Pages | 186 |
| Language | Gujarati |
| Classification | Book_Gujarati, Philosophy, & Religion |
| File Size | 2 MB |