Page Text
________________
આ વ્યંતરોના અસંખ્યાતા નગરો છે. તેમાં શાશ્વતા જિનના ચૈત્યો છે. તે દરેકને આપણે વંદના કરીએ. - નમો જિણાણું.
(૩) જ્યોતિષ્ક દેવો મિત્રો ! તમે ફરતી હોસ્પિટલ, ફરતી હોટેલ તો જોઈ હશે, પણ ફરતા ઘર જોયા છે ખરા ? આ વિશ્વમાં કેટલાક દેવો એવા છે કે જેમના રહેવાના ઘરો સદા ફર્યા કરે છે. તેઓ જયોતિષ્ક દેવો કહેવાય છે.
તમે આગિયાને જોયો છે? તે ઊડતો હોય તો ય પ્રકાશ વેરતો જાય ! બસ ! તેવી જ આ જયોતિષ્ક દેવોના ઘરો (વિમાનો) છે. જે વિશ્વમાં પ્રકાશ વેર્યા જ કરે છે.
જ્યોતિ=પ્રકાશ વેરતા હોવાથી તે દેવો જયોતિષ્ક દેવો તરીકે ઓળખાય છે. સૂર્ય, ચન્દ્ર, ગ્રહ, નક્ષત્ર અને તારા; એમ પાંચ પ્રકારના આ જયોતિષ્ક દેવો છે.
આપણને આકાશમાં જે સૂર્ય-ચંદ્ર વગેરે દેખાય છે, તે પોતે કાંઈ દેવો નથી. . તે તો સૂર્ય, ચંદ્ર વગેરે દેવોના વિમાનો છે.
આપણે જે જંબૂદ્વીપમાં રહીએ છીએ, તે જંબૂદ્વીપમાં કુલ બે સૂર્યવિમાનો અને બે ચંદ્રવિમાનો છે. દરેક ચંદ્રવિમાનની સાથે ૮૮ ગ્રહવિમાનો, ૨૭ નક્ષત્ર વિમાનો અને ઘણા તારા વિમાનો છે. તે દરેક વિમાનોમાં તે તે નામના દેવો વસે છે.
રૂપિયાનો સિક્કો થાળી જેવો સપાટ છે ને? પણ જો તેને જમીન પર ઊભો રાખીને, એક આંગળીથી ઘસરકો આપીને ફેરવવામાં આવે તો તે કેવો લાગે ? દડા જેવો ગોળને?
બસ, તે જ રીતે આપણે જે પૃથ્વી ઉપર રહીએ છીએ તે પૃથ્વી પણ હકીકતમાં નારંગી કે દડા જેવી ગોળ નથી પણ થાળી જેવી સપાટ છે. વળી આપણી આ પૃથ્વી ફરતી નથી, પણ સ્થિર છે.
આપણી આ પૃથ્વી બરાબર મધ્યભાગમાં એક લાખ યોજન ઊંચો મેપર્વત આવેલો છે. તેની સપાટીને સમભૂતળા કહેવાય છે.
તે સમભૂતલાથી ૭00 યોજન ઊંચાઈએ, મેરુ પર્વતની ચારે બાજુ તારાનાં વિમાનો ગોળ-ગોળ કરે છે. ૮૦૦ યોજનની ઊંચાઈએ રહીને સૂર્યનાં વિમાન, ૮૮૦ યો, ઊંચે રહીને ચંદ્રના વિમાનો, ૮૮૪. ઊંચે રહીને નક્ષત્રનાં વિમાનો અને ૯૦૦યો. સુધીની ઊંચાઈએ રહીને ગ્રહોનાં વિમાનો મેરુ પર્વતની ચારે બાજુ સતત ગોળગોળ ફર્યા જ કરે છે. અને તેનાં કારણે દિવસ - રાત, શિયાળો - ઉનાળો ચોમાસુ વગેરે થયા કરે છે.
વૈજ્ઞાનિકો પણ હવે તો કહી રહ્યા છે કે, ““જે સૂર્ય ગઈ કાલે દેખાયો હતો તે સૂર્ય આજે દેખાતો નથી. તે આવતીકાલે દેખાશે. પરમદિવસે દેખાયેલો સૂર્ય જ આજે દેખાય છે. આમ કુલ બે સૂર્ય છે. અને ચંદ્ર હજુ સુધી બે જ દેખાય છે પણ ચાર હોવાની શક્યતા છે.” આપણે વૈજ્ઞાનિકોને કહી શકીએ કે ચંદ્ર બે જ છે. માટે તમે ગમે તેટલી મહેનત કરો તો તમને ચાર ચંદ્ર દેખાવાના જ નથી. તમે તો બીજા સૂર્યને હવે જાણ્યો,
| SR No. | 008960 |
| Book Title | Tarak Tattvagyan |
| Original Sutra Author | N/A |
| Author | Meghdarshanvijay |
| Publisher | Akhil Bharatiya Sanskrutirakshak Dal |
| Publication Year | |
| Total Pages | 186 |
| Language | Gujarati |
| Classification | Book_Gujarati, Philosophy, & Religion |
| File Size | 2 MB |