________________
તેઓ ભલે આવી ઊંચી સાધનાથી શુદ્ધિ પામ્યા હોય, આપણે તેમની ભક્તિથી શુદ્ધિ પામીએ. તેમની વારંવાર સ્તવના કરીને મુક્તિ પામીએ. તેમના ચરણોમાં વંદના કરીને પવિત્રતા પામીએ.
જેમના પ્રભાવથી પોતાની શુદ્ધિ થવી શક્ય છે તે પરમાત્મા પ્રત્યે પોતાની ભક્તિ પ્રદર્શિત કરવા ભક્ત પરમાત્માની પ્રતિમાની અંગપૂજા કરે છે. તેમની સન્મુખ ઉત્તમોત્તમ દ્રવ્યો સમર્પિત કરવા દ્વારા અગ્રપૂજા કરે છે, અને પછી ભાવવિભોર બનીને ચૈત્યવંદના કરવા દ્વારા ભાવપૂજામાં લીન બને છે.
આ ભાવપૂજાની પરાકાષ્ઠા પામવા ભક્ત પરમાત્માનું આલંબન લેવા રૂપ કાયોત્સર્ગમાં લીન બને છે. જેમાં પરમાત્મામય બનવાની સાધના ટોચકક્ષાને પામે છે.
અરિહંત પરમાત્માની પ્રતિમાનું આલંબન લઈને પરમાત્મામય બનવા કાયોત્સર્ગ કરવાનો સંકલ્પ ચૈત્યસ્તવ સૂત્રથી કરવામાં આવે છે.
આ જગતમાં પરમાત્માના જે કાંઈ વંદન, પૂજન, સત્કાર, સન્માન થઈ રહ્યા હોય તે બધાનો લાભ મેળવવા, બોધિબીજ અને મોક્ષ મેળવવા માટે કાયોત્સર્ગ કરવાનો છે. - સાધુ-સાધ્વીજી ભગવંતો પણ આ સૂત્ર બોલવા દ્વારા, જગતમાં થતી પરમાત્માની દ્રવ્યપૂજાની અનુમોદના કરે છે.
આવા વંદન-પૂજન-સત્કાર-સન્માન વગેરે પણ વધતી જતી શ્રદ્ધા, ધૃતિ, ધારણા વગેરેથી કરવાના છે, તે વાત પણ આ સૂત્રમાં પ્રગટ કરવામાં આવી છે.
* (૧) શાસ્ત્રીય નામચૈત્યસ્તવ સૂત્ર * (૨) લોકપ્રસિદ્ધ નામઃ અરિહંત ચેઈઆણં સૂત્ર
*(૩) વિષય: વધતી જતી શ્રદ્ધા વગેરે સાથે જિનેશ્વર ભગવંતોના વંદનપૂજન-સત્કારાદિનો લાભ પામવા માટે પરમાત્માનું આલંબન લઈને તેમની સ્તવના રૂપ કાયોત્સર્ગ કરવો.
* (૪) મહત્ત્વનો ફલિતાર્થ : જિનેશ્વર પરમાત્માનું આલંબન એ જિનશાસનનો અદ્ભુત ધ્યાનયોગ છે.
વિશ્વમાં થતી તમામ પ્રકારની પરમાત્માની દ્રવ્યભક્તિનો લાભ જોઈતો હોય તો તેવા સંકલ્પપૂર્વક કાયોત્સર્ગ કરવો.
હાર ૮૫ કા સ્ત્રોના રહસ્યભાગ-૨ -
