________________
પણ ઉપરોક્ત અવસ્થાઓને લાવનારા સમ્યગદર્શનને પામું.
હું ઇચ્છું છું કે આ ભવના સમાધિમરણ પછી આવતા ભવમાં મારો જન્મ તેવા ધર્મિષ્ઠ જૈનકુળમાં થાય કે જયાં મારું સમ્યગદર્શન વધુ નિર્મળ થાય. ગળથૂથીમાં મને તેવા સુંદર સંસ્કારો મળતા રહે. માત-પિતા-ભાઈ-બહેન વગેરે સમગ્ર પરિવાર ધર્મવાસિત હોય તો મારા આત્માનું કલ્યાણ થયા વિના ન રહે. તેથી પ્રભો ! “ધર્મવાસિત જૈનકુળમાં આવતા ભવે મારો જન્મ હોજો” તેવી તારી પાસે આજે આ “ઓહિલાભો” પદથી પ્રાર્થના કરું છું.
હે નાથ ! તને કરેલો એક પણ પ્રણામ કદી ય ખાલી ન જાય. કદી ય નિષ્ફળ ન જાય, તેવી મને પૂર્ણ શ્રદ્ધા છે. તેથી તને પ્રણામ કરવા વડે હું તારી પાસે ઉપર જણાવેલી તેર વસ્તુની માંગણી કરું છું. મારી આ પ્રાર્થનાઓને સ્વીકારશોને?
સર્વમંગલ
જયવીયરાય સૂત્રની રચના પ્રાકૃત ભાષામાં હોવા છતાં આ છેલ્લી ગાથા સંસ્કૃત ભાષામાં છે. ખૂબ જ અદભુત આ શ્લોક છે. અત્યંત અર્થગંભીર છે.
દુનિયામાં મંગલો તો ઘણા છે. પણ મંગલ મંગલરુપ ત્યારે જ બની શકે કે જ્યારે તેમનામાં મંગલપણું હોય.
જે માણસમાં માણસપણું = માણસાઈ જ ન હોય તે માણસનો શો અર્થ?
જે સાધુમાં સાધુપણું ન હોય પણ શેતાનિયત ખીલેલી હોય તે સાધુને સાધુ શી રીતે કહેવાય?
સાધુતાથી સાધુ, સાધુ છે. માણસાઈથી માણસ, માણસ છે. પુત્રપણાથી પુત્ર, પુત્ર છે. પણ માતા-પિતાની સેવા ય ન કરતો હોય, સામે પડતો હોય, ત્રાસ દેતો હોય તે પુત્ર થોડો પુત્ર ગણાય?
દુનિયામાં ભલે ઘણા બધા મંગલો હોય પણ તે તમામ મંગલોમાં મંગલપણું કોણ? તેનો જવાબ આ શ્લોક જણાવે છે.
આ શ્લોક કહે છે કે સર્વ મંગલોમાં મંગલપણું છે જિનશાસન. જો જિનશાસન છે તો મંગલ મંગલ તરીકેનું કામ કરે. મંગલોના આરાધકોમાં જિનશાસન રૂપ મંગલપણું માંગલ્ય) ન હોય તો તે મંગલોનો ખાસ અર્થ રહેતો નથી.
તે જ રીતે તમામે તમામ કલ્યાણનું કારણ કોઈ હોય તો તેય જિનશાસન છે. સર્વવિરતિધર્મ પણ તેનું જ કલ્યાણ કરી શકે, જેના આરાધકમાં જિનશાસન
હતા ૮૦ સૂત્રોનારહસ્યોભાગ-૨
