________________
તેથી તો તારી પાસે આજે આવ્યો છું. તારા પ્રભાવથી આ શક્ય છે. અત્યંત શક્ય છે. મને પૂર્ણ શ્રદ્ધા છે તેથી જ તારી પાસે આજે પ્રાર્થના કરું છું કે હે પરમાત્મા ! તારા પ્રભાવથી હું શુભગુરુના વચનનો સ્વીકારનારો બનું. તેવી મને શક્તિ આપ.
આભવમખંડાઃ આભવમ્ = સંસાર જ્યાં સુધી ચાલુ રહે ત્યાં સુધી. અખંડા = અખંડિતપણે. વચ્ચે જરા ય અંતર પડ્યા વિના, સતત.
પરમાત્માને પ્રાર્થના કરતો ભક્ત વિનંતી કરતાં કહે છે કે, “હે પ્રભો ! આપ કૃપાળુ પાસે હું જે જે માંગણીઓ કરું છું. તે બધી માત્ર આ ભવ પૂરતી સીમિત ન સમજશો.
મારી ઈચ્છા તો આ ભવમાં જ મોક્ષ મેળવવાની છે. પરંતુ જો મને આ ભવમાં મોક્ષ મળવાનો ન હોય અને મારે બીજા ભવો કરવા જ પડે તેમ હોય તો પ્રભો ! હું ઈચ્છું છું કે હવે પછી કરવા પડનારા તમામે તમામ ભવોમાં પણ મને ઉપરોક્ત તમામ વસ્તુઓ અખંડિતપણે પ્રાપ્ત થજો.
આ ભવમાં તારા પ્રભાવે પ્રાપ્ત થયેલી અમૂલ્ય ચીજો જો આવતા ભવમાં ઝૂંટવાઈ જાય તો મારા આત્માનો વિકાસ શી રીતે શક્ય બને ? હા ! મોક્ષમાં પહોંચ્યા પછી કાંઈ જ કરવાનું બાકી રહેતું ન હોવાથી ત્યાં એકે ય ચીજની મને જરુર નથી, પરંતુ મોક્ષ ન મળે ત્યાં સુધી તો મને પળે પળે આ તમામ વસ્તુઓની જરુર છે. માટે પ્રભો ! તમને વિનંતી કરું છું કે ભવોભવ મને અખંડિતપણે આ બધાની પ્રાપ્તિ હોજો.
તહવિ મમ હુજન સેવા, ભવે ભવે તુમ્હ ચલણાણું હે પરમાત્મન્ ! દરેક ભવમાં મને તારા ચરણોની સેવા પ્રાપ્ત થાઓ.
મારા જેવા જીવો માટે તરવાનું કોઈ અમોઘ સાધન હોય તો તે છે તારી ભક્તિ. તે ભક્તિની તાકાત છે મુક્તિ આપવાની.
મહોપાધ્યાયજી યશોવિજયજી મહારાજા બત્રીશ બત્રીશી ગ્રંથમાં જણાવે છે કે આગમ શાસ્ત્રોનું દોહન કરતાં કરતાં મને એક જ સારભૂત તત્ત્વ જાણવા મળ્યું છે કે પરમાનંદ રુપ મોક્ષને પ્રાપ્ત કરાવનાર કાંઈ પણ હોય તો તે છે પરમાત્માની ભક્તિ. આ રહ્યા તેઓશ્રીના શબ્દોઃ
"सारमेतन्मया लब्धं श्रुताब्धेरवगाहनात् । भक्तिर्भागवती बीजं परमानन्दसम्पदाम् ।। બાબા ૭૨ કિ. સૂત્રોનારહોભાગ-૨ -
