Page Text
________________
કર્મને નજરમાં લાવવાનું. ખાવા-પીવાના કારણે કોઈની સાથે કદી ઝગડા નહિ કરવા. કષાયોની હોળી ન સળગાવવી. પણ કર્મવિજ્ઞાનની સમજણ વિકસાવીને સમાધાન કરવું. શાંતિ અને સમતા પમાશે. આનંદમય અને પ્રસન્નતાભર્યું વાતાવરણ ખડું થશે.
મને મારું મનપસંદ ભોજન નથી મળતું, મને જે વખતે જમવાનું જોઈએ તે સમયે નથી મળતું, જેટલું જોઈએ તેટલું નથી મળતું, ઈચ્છા થવા છતાં જમી નથી શકતો તો એ બધા પાછળ મારા ભોગાન્તરાય કર્મનો વાંક છે. બીજા લોકોનો દોષ નથી. એ બધા તો નિમિત્ત છે, એ પ્રમાણે વિચારીશું તો તે કર્મનો નાશ કરવાની સાધના કરવાનું મન થશે. શાંતિ પ્રસન્નતા-સ્વસ્થતા જળવાઈ રહેશે. પણ કર્મવિજ્ઞાન નહિ સમજનારા તો વિચારશે કે, “મારી પત્ની કેવી છે? મારો સમય પણ સાચવતી નથી! મારા માટે બનાવેલી રસોઈ તેનો ભાઈ આવ્યો તો તેને જમાડી દીધી ! મારું તો કાંઈ ધ્યાન જ રાખતી નથી. ઘરના લોકો ખૂબ બેદરકારી રાખે છે. જો હું તેમને કશું નહિ કહું તો તેમની બેદરકારી વધતી જશે. તેઓ પોતાના કર્તવ્યપાલનમાં સભાન નહિ રહે. પરિણામે ઘરમાં અરાજકતા - અંધાધૂંધી સર્જાશે. આ તો ન ચાલે.” આવું વિચારીને તે ગુસ્સો કરશે. ઝગડશે. તેના પરિણામે ઘરમાં રહેનારા વચ્ચે પ્રસન્નતા કે પ્રેમળતા નહિ રહે. કર્મવિજ્ઞાન ન સમજ્યાનું આ પરિણામ છે!
ઘરના સભ્યોનું કર્તવ્યપાલન તરફ ધ્યાન દોરવું જોઈએ તે સાચી વાત. પણ તે માટે શાંતિથી કહેવાય. યોગ્ય રીતે સમજાવી શકાય. પણ મગજ ગુમાવવાની કંઈ જરૂર નથી. અપસેટ કે અસ્વસ્થ બનવાથી કે ગુસ્સો કરવાથી તેઓ બધા સમજી જશે; તેવું માનવાની કાંઈ જરૂર નથી. તમારું પુણ્ય નહિ હોય તો ગુસ્સો કરવાથી પણ કોઈ સફળતા નહિ મળે.
જે ઉપભોગાન્તરાય કર્મનો ઉદય ચાલતો હશે તો ઉપભોગની સામગ્રીઓ મળવા છતાં, ઉપભોગ કરવાની તીવ્ર ઈચ્છા હોવા છતાં ય ઉપભોગ નહિ કરી શકાય.
લગ્નમાં પહેરવા પોતાના મનપસંદ સુંદર વસ્ત્રો સિવડાવ્યા, પણ પહેરતાં પૂર્વે જ એલર્જીથી ચામડી એવી લાલ થઈ ગઈ કે ડૉક્ટરે તેવા પોલીસ્ટરના કપડાં પહેરવાની ના પાડી !
સુશિક્ષિત, ગુણવાન, શ્રીમંત યુવાન સાથે લગ્ન થયા પછી ચાર જ દિવસમાં તેને ટી. બી. નું નિદાન થતાં ડૉક્ટરોએ કામસેવનનો નિષેધ કરી દીધો! મનમાં ઈચ્છા હોવા છતાં, સામે ઉત્તમપાત્ર હોવા છતાં એના સુખભોગમાં ઓટ આવી ગઈ!
સુંદર, આકર્ષક નવો બંગલો બનાવ્યો. ત્યાં રહેવા જવાના પૂર્વ દિને ચોકીદારે કહ્યું, “સાહેબ! ચોકી કરતાં મેં રાત્રે સફેદ કપડાવાળા ઊંચા માણસને બંગલામાં ફરતો જોયો હતો. મને ડર લાગ્યો. પસીનો થયો. રજાઈ ઓઢીને સૂઈ ગયો. કોઈ ભૂત લાગે
૧૨૩ જ કર્મનું કમ્યુટર ભાગ-૩ માં
| SR No. | 008957 |
| Book Title | Karmanu Computer Part 2 3 |
| Original Sutra Author | N/A |
| Author | Meghdarshanvijay |
| Publisher | Akhil Bharatiya Sanskrutirakshak Dal |
| Publication Year | |
| Total Pages | 226 |
| Language | Gujarati |
| Classification | Book_Gujarati & Karma |
| File Size | 5 MB |