Page Text
________________
તો નથી રાખવાની, પણ જો કોઈ આપણી વાહવાહ કરે તો તેમાં ગાંડા નથી બનવાનું. પૂર્વના વિશિષ્ટ મહાપુરુષોના જીવનને નજરમાં લાવીને નમ્રતા કેળવવાની.
સામાન્ય રીતે દરેક વ્યક્તિ બધે પોતાની પ્રશંસા થાય તેવું ઈચ્છતી હોય છે. કોઈ પોતાને તિરસ્કાર - ધિક્કારે નહિ, તેવી બધાને તમન્ના હોય છે. તે માટે ઉચ્ચગોત્રકર્મનો ઉદય અને નીચગોત્રકર્મના ઉદયનો અભાવ હોવો જરુરી છે. ઉચ્ચગોત્ર બંધાય તેવું જીવન જીવવાની સાથે નીચગોત્રકર્મન બંધાઈ જાય, તેની પળે પળે કાળજી લેવી જોઈએ.
જે મનુષ્ય (1) ગુણગ્રાહી = ગુણાનુરાગી હોય છે, (૨) અભિમાનરહિત એટલે કે ગર્વશૂન્ય હોય છે, (૩) સતત અધ્યયન – અધ્યાપનમાં પ્રવૃત્ત રહે છે. (૪) જિનેશ્વર દેવનો ભક્ત હોય છે, (૫) ગુરુદેવોનો નમ્ર સેવક બને છે (૬) સિદ્ધ ભગવંતોનું ધ્યાન ધરે છે (૭) સાધર્મિકોની સેવામાં ધન્યતા અનુભવે છે, તે મનુષ્ય તે વખતે ઉચ્ચગોત્રકર્મ બાંધે છે.
જયાં સુધી મોક્ષ ન મળે ત્યાં સુધી થનારા આવતા જન્મોમાં ઉચ્ચ, ખાનદાન, કુલીન પરિવારમાં જન્મ લેવાની ઈચ્છા હોય, બધાને માનનીય બનવું હોય, પ્રશંસાપાત્ર અવતાર જોઈતો હોય તો ઉચ્ચગોત્ર કર્મ બાંધવું જરૂરી છે. તે માટે ગુણદષ્ટ બનવું પડશે. ગુણોને જોવાની, ગુણો શોધવાની અને ગુણવાનું માણસોની પ્રશંસા કરવાની ટેવ આ ભવમાં અત્યારથી જ પાડવી પડશે.
બીજા જીવોના દોષ જોવા જ નથી. દરેક જીવમાં અનંતા દોષો હોવાના; પણ આપણે એકપણ દોષ નહિ જોવાનો. દરેક જીવમાં ઓછા – વત્તે અંશે ગુણો પણ છે જ. ગુણ વિનાનો એક પણ જીવ ન જ હોય. આપણે તેના ગુણો જ જોવાના. તે માટે દોષદૃષ્ટિ દૂર કરીને ગુણદષ્ટિ કેળવવી. પછી તેની અનુમોદના કરવાની.
સૌ પ્રથમ દોષદષ્ટિ- ત્યાગી ગુણદષ્ટિ કેળવવાની. પછી બધેથી ગુણો શોધવાના. તે ગુણોના અનુરાગી બનવાનું. સતત તે ગુણોની પ્રશંસા કરતાં રહેવાનું. ગુણવાનોનો આદર કરવાનો. તે ગુણો પ્રાપ્ત કરવાની ઈચ્છા કરવાની. યાદ રહે કે ગુણવાન બનવું સહેલું છે, પણ ગુણાનુરાગી બનવું મુશ્કેલ છે. આપણે ગુણવાનું બનીને અટકવાનું નથી, ગુણાનુરાગી પણ બનવાનું છે.
મળેલી ઉચ્ચજાતિનું કે કૂળનું, શ્રેષ્ઠ બળનું ઉમદા લાભ પ્રાપ્તિનું, તીક્ષ્ણ બુદ્ધિનું કે વિવિધ જ્ઞાનનું, અદ્ભુત લોકપ્રિયતાનું કે શારીરિક સુંદરતાનું ક્યારેય અભિમાન નહિ કરવાનું. ગર્વ નહિ કરવાનો. હંમેશ માટે નમ્ર બનીને જીવવાનું. આઠ પ્રકારના મદમાંથી એક પણ મદન થઈ જાય તેની કાળજી રાખવાની. તેથી ઉચ્ચ ગોત્રકર્મ બંધાય.
ધર્મશાસ્ત્રોનું ખૂબ અધ્યયન કરવું. વારંવાર તેનું પુનરાવર્તન કરવું. યોગ્ય વ્યક્તિ મળે તો તેને તે શાસ્ત્રોનું અધ્યાપન કરાવવું. તેમાં જરા ય થાકવું નહિ. ઉલ્લાસથી આ
૧૧૬ આ કર્મનું કમ્યુટર ભાગ-૩ માં
| SR No. | 008957 |
| Book Title | Karmanu Computer Part 2 3 |
| Original Sutra Author | N/A |
| Author | Meghdarshanvijay |
| Publisher | Akhil Bharatiya Sanskrutirakshak Dal |
| Publication Year | |
| Total Pages | 226 |
| Language | Gujarati |
| Classification | Book_Gujarati & Karma |
| File Size | 5 MB |