Page Text
________________
મેળવી નહિ શકે. જેનામાં આત્મજ્ઞાનનો અરુણોદય થયો હશે, આત્મ જાગૃતિના અજવાળા રેલાયા હશે, આત્મતત્ત્વ તરફ જેની દૃષ્ટિ પહોંચી હશે, જડ પદાર્થો પ્રત્યે વૈરાગી બન્યો હશે તે જ આવા સુંદર વિચારોનું વાવેતર પોતાની ચિત્તભૂમિમાં કરી શકશે. તે માટે જ આ ઘેર બેઠાં તત્ત્વજ્ઞાન માસિક લખાઈને બહાર પડે છે.
જો ઘર - ઘરમાં આ તત્ત્વજ્ઞાન પહોંચવા લાગે, આ શાસ્ત્રીય પદાર્થો વ્યક્તિ વ્યક્તિને સમજાવા લાગે, જો તમામ સ્ત્રીઓ પણ આ સમજણ મેળવી લે તો ઘર ઘરમાં સર્જાતા અનેક ક્લેશ- કજીયા કંકાસ દૂર થઈ જાય. પ્રત્યેક ઘરમાં સ્વર્ગ ઉતરવા લાગે.
- સામાન્ય રીતે સ્ત્રીઓના મન ઘણાં લાગણીશીલ હોય છે. ક્યારેક આળાં હોય છે. ભાવુક હોય છે. વધુ પડતાં સ્વકેન્દ્રિત હોય છે.
કોઈના ઉપર ઉપકાર કર્યો હોય, કોઈને નબળા સમયમાં મદદ કરી હોય, પછી એના ઘરે ગયા. અને ત્યાં અપેક્ષા પ્રમાણે આદર -માન-સન્માન તો ન મળ્યા પણ ઉપેક્ષા મળી તો ત્યાંથી પાછા આવ્યા પછી પોતાના સ્વજનોની પાસે તેની નિંદા - બૂરાઈ - બદબોઈ ચાલુ થઈ જશે. ભારોભાર કટુતાની લાગણી વ્યક્ત કરશે. પોતાના પતિ પાસે, છોકરાઓ પાસે, પુત્રવધુઓ પાસે પોતાની અપમાનિત લાગણી રજૂ કરશે. ક્યારેક તો મહીનાઓ સુધી આ પ્રકરણ ચાલુ રાખશે. એમાંથી તીવ્ર દ્વેષની ગાંઠો બંધાય છે. વૈરની પરંપરાઓ ચાલે છે.
આવા અનર્થોથી બચવા કર્મ સિદ્ધાન્તોનું અધ્યયન ઘણું ઉપયોગી નીવડે છે. રોજ બનતી જુદી જુદી ઘટનાઓ પાછળ કોઈને કોઈ કર્મ પ્રેરકબળ તરીકે કામ કરતું જ હોય છે. તેની જાણકારી જો આવા તત્ત્વજ્ઞાન માસિકો વગેરે દ્વારા બરોબર મેળવી લેવાય તો ઘણું કામ થઈ જાય.
ના, માત્ર વાંચી જવાથી નહિ ચાલે. વારંવાર વાંચવું પડશે. તેની ઉપર ચિંતન - મંથન કરવું પડશે. તેમ કરવાથી ઘણો બોધ મળશે. જે સારી - નરસી ઘટનાઓમાં પણ મસ્તીથી જીવતા શીખવશે. હાય – વોય કરતાં અટકાવશે. રાગ - ષમાંથી મુક્તિ આપશે. પ્રસન્ન જીવનના સ્વામી બનાવશે.
માત્ર તમે જ પ્રસન્ન જીવનના સ્વામી બનો તે ન ચાલે. આજુબાજુના સગા – સંબંધી - સ્નેહીજનોને પણ પ્રસન્ન જીવનના સ્વામી બનાવવા આવા તત્ત્વજ્ઞાનમાસિકો તેમના સુધી પણ પહોંચાડવા જોઈએ. તેમની સાથે પણ કર્મસિદ્ધાન્તોની વિચારણાઓ કરીને તે તે પદાર્થોને જીવનમાં આત્મસાત કરવા જોઈએ.
(૧૫-૧૬) સુસ્વર - દુસ્વર નામકર્મ આપણે આ વિશ્વમાં જોઈએ છીએ કે સાવ બેડોળ શરીર હોવા છતાં, વિશિષ્ટ પ્રકારનું રુપ ન હોવા છતાં ય તેનો અવાજ
૧૦૨ કર્મનું કમ્યુટર ભાગ-૩ માં
| SR No. | 008957 |
| Book Title | Karmanu Computer Part 2 3 |
| Original Sutra Author | N/A |
| Author | Meghdarshanvijay |
| Publisher | Akhil Bharatiya Sanskrutirakshak Dal |
| Publication Year | |
| Total Pages | 226 |
| Language | Gujarati |
| Classification | Book_Gujarati & Karma |
| File Size | 5 MB |