Karmanu Computer Part 2 3

SR No.: 008957
Original Sutra Author: N/A
Author: Meghdarshanvijay
Publisher: Akhil Bharatiya Sanskrutirakshak Dal
Total Pages: 226
Language: Gujarati
Classification: Book_Gujarati & Karma
File Size: 5 MB

Page 16

જવાય, પરીક્ષા પણ ન અપાય. નહિ તો જ્ઞાનાવરણીય કર્મ બંધાય.
ધર્મમાં અત્યંત ચુસ્ત વ્યક્તિઓ ભૂતકાળમાં જ હતી એમ નહિ, વર્તમાનકાળમાં પણ છે. એક ભાઈની યુવાન પુત્રી s. s. C. માં ભણતી હતી. બોર્ડની પરીક્ષા આવી ગઈ. બે પેપર પત્યા બાદ તે પુત્રી એમ. સી. વાળી થઈ. તેના પિતાએ તેને કહ્યું,
બેટા! હવે તારાથી પરીક્ષા નહિ અપાય. હું જાણું છું કે આ બોર્ડની પરીક્ષા છે તેથી જો તું પરીક્ષા ન આપે તો નાપાસ જાહેર થશે. તારું એક વર્ષ બાતલ જશે.
પણ ઓ મારી વ્હાલી દીકરી! M. C. ના સમયમાં પુસ્તક - કાગળ કે પેનને અડાય જ નહિ. જો તું પરીક્ષા ન આપે તો તારું એક વર્ષ બગડે, પણ જો પરીક્ષા આપે તો તારા ભવોભવ બગડે. હવે બેટા ! તું જ બોલ ! એક વર્ષ બગાડવું કે ભવોભવ બગાડવા? તને બેમાંથી શું મંજૂર છે? જો તારે તારા ભવોભવને બરબાદ ન કરવા હોય તો આ વરસે તુ બાકીના પેપરો આપવાનું માંડી વાળ.”
અને પિતાની હૃદયની ભાવનાને તે ધર્મપ્રિય દીકરીએ વધાવી લીધી. પોતાના કહેવાતા અત્યંત મહત્ત્વના વર્ષને બગાડવાનું તેણે સ્વીકાર્યું. પણ એસ. એસ. સી. ની પરીક્ષા તો ન જ આપી.
જીવનને પવિત્ર રાખવું હોય તો સત્ત્વશાળી તો બનવું જ જોઈએ. સાવ રેંગાપુંગા બને ન ચાલે, સમાજ, લોકો, બહેનપણીઓ શું કહેશે? બધા મને શું માનશે? તેવી વેવલી વાતો ન કરાય. પણ આત્માના કલ્યાણ માટે પરમાત્માએ ચીંધ્યા રાહે કદમ બઢાવવા સત્ત્વશાળી જ બનવું જોઈએ.
જેમ જ્ઞાનની આશાતના કરવાથી જ્ઞાનાવરણીય કર્મ બંધાય છે તેમ જેમણે જ્ઞાન પ્રાપ્ત કરેલું છે, તેવા જ્ઞાનીઓની આશાતના કરવાથી પણ જ્ઞાનાવરણીય કર્મ બંધાય છે. સ્કૂલ - કોલેજમાં ભણાવનાર શિક્ષકજનોનું પણ અપમાન ન કરાય. તેમની મશ્કરી. ન કરાય.
તે જ રીતે જેઓ આપણને ધર્મનું જ્ઞાન આપે છે, તેવા ગુરુજનોનો પણ ક્યારેય અનાદર ન કરાય. તેવા વિદ્યાગુરુઓ પ્રત્યે હૃદયમાં ઉછળતો બહુમાનભાવ જોઈએ.
જ્ઞાન અને જ્ઞાનીઓની કરાતી આશાતના જો જ્ઞાનાવરણીય કર્મ બંધાવે છે, તો જ્ઞાન અને જ્ઞાનીઓ પ્રત્યેનો તીવ્ર સદ્ભાવ, ઉછળતો બહુમાનભાવ જ્ઞાનાવરણીય કર્મને ખતમ કરવાનું કામ કરે છે. તેથી જેમને પણ જ્ઞાનાવરણીય કર્મ ખતમ કરવું હોય તેમણે જ્ઞાન, જ્ઞાનના સાધનો અને જ્ઞાનીઓના વંદન -પૂજન - સત્કાર કરવા જોઈએ. તેમના પ્રત્યે સતત આદર બહુમાન રાખવું જોઈએ.
સુંદરીનામની સ્ત્રીએ જ્ઞાનના સાધનો પ્રત્યે અરુચી કરી. પોતાના પુત્રોની ફરિયાદ
+
= = = += += wiligital
+--
ત
-
૨ભાગ-૨