Page Text
________________
ઢોલક વગાડી વગાડીને તેમને અડધા કલાક સુધી નચાવો તો જ હું અહીંથી જઈશ. નહિ તો દસમા દિવસે તેનો જાન લઈને જઈશ.
આ વાત સાંભળીને પતિને આંચકો લાગ્યો. પોતાની માને કાળા કપડા પહેરાવીને, માથે મુંડન કરીને પત્નીની સામે નચાવાની વાત સાંભળતાં તેને પોતાની શંકા સાચી લાગી. શું આ રીતે પોતાની સામે સાસુની હલકાઈ કરીને પત્ની પોતાની સાસુને કાયમ વશમાં રાખવાની રમત તો નહિ રમતી હોય ને? ખેર! જુઓ શું થાય છે?
તેણે બે હાથ જોડીને કહ્યું "બીજો કોઈ ઉપાય બતાવો ને? આ રીતે વહુની સામે મારી માતાને નચાવવા દ્વારા અપમાન કરવું યોગ્ય જણાતું નથી. હું મારી માને શી રીતે આમ નચાવી શકું?
પત્નીઃ હું ક્યાં કહું છું કે તું તારી માને નચાવ. ના, નહિનચાવતો. હુંતો દસમા દિને તારી પત્નીનો જાન લઈને જઈશ. તે ઉપાય પૂક્યો એટલે મેં જણાવ્યો. તારી મા તને બહુ વ્હાલી હોય તો તેને ન નચાવતો બસ!
પતિઃ ના, ના.. તમે નારાજ ન થાઓ. મારી પત્ની મને ઘણી વ્હાલી છે. મારી મા પણ મને ઘણી વ્હાલી છે. તેથી બીજો રસ્તો મેં પૂછ્યો પણ મારી પત્ની કરે તે મારાથી સહન થાય તેમ નથી. હું મારી માને સમજાવીશ. મારી પત્નીને બચાવવા તે માથે મુંડન કરીને મોઢા ઉપર મેશ ચોપડીને, ઘુમટો તાણીને, કાળા કપડાં પહેરીને નાચવાની ચોક્કસ હા પાડશે. મારી ખાતર તે બધો ભોગ આપશે. આ રવિવારે તમારી સામે હું તેને નચાવીશ.
પત્ની : બસ! તો જલ્દી એમ જ કર. પછી તારી પત્નીને હેમખેમ છોડીને હું ચાલી જઈશ.
અને થોડીવારમાં ભૂત ચાલ્યું ગયું. પત્ની મૂળ સ્વરૂપે આવી ગઈ. ના, ભૂતને જવાની વાત જ ક્યાં હતી? અરે ! ભૂત આવ્યું જ ક્યાં હતું? આ તો બધો પત્નીનો પ્રપંચ હતો. તે નાટક કરતી હતી. મનમાં તેને ખૂબ આનંદ થઈ ગયો.
"હાશ! હવે મારા બધા પાસા પોબાર પડશે. સાસુમા મારી સામે આવી રીતે નાચશે પછી મારો વટ પડી જશે. ભાવિમાં મારી સામે ક્યારેય દાદાગીરી નહિ કરી શકે. જો કરવા જશે તો તરત જ સંભળાવી દઈશ કે તે દિવસે કેવી નચાવેલ ! હજુ ફરી નાચવું છે? આ સાંભળતાં તો એની સદા માટે બોલતી બંધ થઈ જશે. બસ, પછી તો હું આ ઘરની રાણી બનીશ. મારી ઈચ્છા પ્રમાણે જીવન જીવી શકીશ. મને બોલનાર કે અટકાવનાર પછી કોણ છે?” તેના શેખચલ્લીના વિચારો આગળ વધતા હતા. આ બાજુ પતિ સમજી ગયો કે આ બધા આ સ્ત્રીના નખરા છે. નાટક બરોબર
૫૪ કર્મનું કમ્યુટર ભાગ-૩ .
| SR No. | 008957 |
| Book Title | Karmanu Computer Part 2 3 |
| Original Sutra Author | N/A |
| Author | Meghdarshanvijay |
| Publisher | Akhil Bharatiya Sanskrutirakshak Dal |
| Publication Year | |
| Total Pages | 226 |
| Language | Gujarati |
| Classification | Book_Gujarati & Karma |
| File Size | 5 MB |