Page Text
________________
કર્મોના બે હુમલા
ત્રણ લોકના નાથ, દેવાધિદેવ પરમાત્મા મહાવીરદેવે પોતાના કેવળજ્ઞાનના પ્રકાશમાં જોયું કે આ વિશ્વના સર્વ સંસારી જીવો ઉપર કર્મોના હુમલા થાય છે.
૧૧
વિશ્વના સર્વ સંસારી જીવોને (૧) સુખી અને (૨) ધર્મી એમ બે વિભાગમાં વહેંચીએ તો આ બંને વિભાગના જીવો ઉપર એ કર્મો એવા તો ત્રાટકે છે કે જેના પ્રભાવે સુખી જીવો સુખભ્રષ્ટ થઈને દુ:ખી બને છે. અને ધર્મો જીવો બુદ્ધિભ્રષ્ટ થઈને પાપી બને છે.
આ વિશ્વમાં એવા પણ સંસારી જીવો છે કે જેમને સુખ અત્યંત પ્રિય છે. તેઓ સુખના લાલસ છે. સુખનો ક્ષણ માટેનો વિરહ પણ તેઓ સહન કરી શકતા નથી. સુખને મેળવવા માટે ગમે તે ચીજનો ભોગ આપતા તેમને કાચી સેકંડની પણ વા લાગતી નથી.
ધનને ખાતર ધર્મને વેચી નાંખવા તેઓ તૈયાર હોય છે. ધર્મને સળગાવીને પણ તેમને સુખ જ જોઈતું હોય છે. સુખના ભોગે ધર્મ નહિ પણ ધર્મના ભોગે સુખ જ જોઈએ તેવો તેમનો મુદ્રાલેખ હોય છે. અને તેથી જ નીતિ, સદાચાર, પરોપકાર, કરુણા વગેરે ધર્મોને કચડીને પણ તેઓ સુખને મેળવવા દોટ લગાડતા હોય છે. ગમે તેવા ખરાબ બનીને પણ સુખ જ મેળવવામાં તેમને રસ હોય છે. અને આવી કારમી સુખલંપટતાના કારણે ક્યારેક તો તેઓ ધર્મને પણ ધિક્કારતા જોવા મળે છે.
આવા અતિ સુખલંપટ જીવો ઉપર જ્યારે કર્મ (વેદનીયકર્મ) પોતાનો હુમલો કરે છે, ત્યારે તે જીવો ક્ષણમાં જ સુખભ્રષ્ટ બનીને દુઃખી બને છે. પુણ્ય પરવારે પછી શું ન બને ? પોતાની સમુદ્ધિ અને સંપત્તિને ચાલી જતી જોઈને તેઓ દીન અને રાંક બની જતા હોય છે. માથા-પેટ ફૂટતા હોય છે. આપઘાત કરવા સુધીના વિચારોમાં અથડાતા હોય છે. દુ:ખની કલ્પના માત્રથી તેઓ ચીસાચીસ કરી મૂકતા હોય છે.
કર્મ તો ગમે તે સમયે હુમલો કરી બેસે. જો તેવા સમયે આવી દીન અને રાંકડી દશા ન પામવી હોય તો સુખના કાળમાં છકી ન જવું જોઈએ. સુખના કેફમાં છાટકા ન બનવું, પરમાત્માના તત્ત્વજ્ઞાનને પચાવીને સુખમાં અલીન બનતા શીખવું જોઈએ. ક્ષણ માટે પણ સુખમાં લંપટ ન બની જવાય, તેની કાળજી રાખવી જોઈએ.
સુખીઓને સુખભ્રષ્ટ કરીને દુઃખી બનાવનાર આ (અશાતા) વેદનીયકર્મ છે.
Er - કર્મનું ફમ્પ્યુટર
| SR No. | 008956 |
| Book Title | Karmanu Computer Part 1 |
| Original Sutra Author | N/A |
| Author | Meghdarshanvijay |
| Publisher | Akhil Bharatiya Sanskrutirakshak Dal |
| Publication Year | |
| Total Pages | 188 |
| Language | Gujarati |
| Classification | Book_Gujarati & Karma |
| File Size | 4 MB |