Page Text
________________
મારે કંઈ કહેવું છે
જેના રોમરોમમાં જિનશાસન વસી રહ્યું છે, સંસ્કૃતિરક્ષા, રાષ્ટ્રરક્ષા, તીર્થરક્ષા, ધર્મરક્ષા માટે જેમણે કમર કસી છે, નવી પેઢીના સંસ્કરણ માટે જેમણે ભેખ લીધો છે, હજારો યુવાનો અને યુવતીઓને ભવાલોચના કરાવીને નવું જીવન આપ્યું છે, જિનશાસનનો જય જયકાર કરવા જેઓ સતત પ્રયત્નશીલ છે, તે પરમોપકારી, પરમારાધ્યયાદ ભર્વાદધિતારક ગુરુદેવશ્રી પં.ચન્દ્રશેખર વિ. મ.સાહેબ અનંતાનંત ઉપકાર કરીને મારા જેવા અધમાધમને સર્વવિરતિ જીવનનું દાન કર્યું વાચના અને વાત્સલ્ય દ્વારા મારા જીવનનું ઘડતર કર્યું. પુષ્કળ સ્વાધ્યાય કરાર્વીને જિનશાશનના શાસ્ત્રો અને તેની પાછળ ઘૂઘવાટ કરી રહેલાં અઢળક રહસ્યોના દર્શન કરાવ્યા.
તેઓશ્રીએ જ એકવાર પ્રેરણા કરી, ‘‘મેઘદર્શન ! મારી ઈચ્છા છે કે ઘર ઘરમાં જિનશાસનનું તત્ત્વજ્ઞાન પહોંચે. તે માટે તુ ‘ઘેર બેઠાં તત્ત્વજ્ઞાન' માસિક શરૂ કર, મારા તને અંતરના આશિષ છે.'' પૂજ્યશ્રીની પ્રેરણા અને આશિષના પ્રભાવે, અખિલ ભારતીય સંસ્કૃતિ રક્ષકદળના વહીવટી પ્રયત્નો દ્વારા- માત્ર ત્રણ વર્ષ માટે શરૂ કરાયેલ- આ ઘેર બેઠાં તત્ત્વજ્ઞાન માસિકે વાચકોના અતિશય આગ્રહને વશ થઈને પોતાના તૃતીય ત્રિવાર્ષિક કોર્સ (સાતમા વર્ષ)માં પ્રવેશ કર્યો છે.
ઘેર બેઠાં તત્ત્વજ્ઞાનમાં અત્યંત સર અને રોચક શૈલિમાં ગહનતત્ત્વજ્ઞાન પામીને વાચકોએ જ એવો પ્રચાર કર્યો કે જેના કારણે જુના અંકોની પુષ્કળ માંગણીઓ થવા લાગી. અંકો ખલાસ થઈ જવા છતાંય માંગણીઓ ચાલુ રહેતાં, પ્રથમ ત્રણ વર્ષના અંકોમાં આવેલા વિષયોને જુદા જુદા પુસ્તકો રૂપે પ્રગટ કરવાનો નિર્ણય સંસ્કૃતિ રક્ષક દળે કરવો પડ્યો. તેના અનુસંધાનમાં “તારક તત્ત્વજ્ઞાન' અને ‘શ્રાવકજન તો તેને રે કહીએ' પુસ્તકો પ્રગટ કર્યા પછી આજે ‘સૂત્રોના રહસ્યો’ અને ‘કર્મનું કમ્પ્યુટર' પુસ્તકો પ્રગટ થઈ રહ્યા છે.
જિનશાસનની આ વિશ્વને અદ્ભૂત દેન છે : કર્મવિજ્ઞાન. વિશ્વનો એક પણ પ્રશ્ન એવો નથી કે જેનું સમાધાન ‘કર્મવિજ્ઞાન'માં ન હોય. જિનશાસનના આ કર્મવિજ્ઞાનને જે બરોબર સમજી લે, તે દુ:ખમાં દીન ન હોય, સુખમાં લીન ન હોય. તેના મુખ પર ગમે તેવી કપરી પરિસ્થિતિમાંય પ્રસન્નતા પ્રસરેલી હોય. જીવન જીવવાની કળા તેને આત્મસાત થયા વિના ન રહે. પોતાના જીવનમાં જેમ જેમ તે આ કર્મવિજ્ઞાનને વણતો રહે તેમ તેમ આત્મિક આનંદની વિશિષ્ટ અનુભૂતિ કર્યા વિના ન રહે.
-
પૂજ્યપાદ ગુરુદેવશ્રીની કૃપાથી કર્મગ્રંથો, કમ્મપયડી, પંચસંગ્રહ વગેરે ગ્રંથોના ગહનપદાર્થોને પણ જીવનમાં અમલીકરણ થઈ શકે તે રીતે રજૂ કરવાનો પ્રયત્ન કરેલ છે. પ્રથમ પ્રકરણ તથા અન્ય કેટલુંક પૂજ્યશ્રીના ‘કર્મવાદ' વગેરે પુસ્તકોમાંથી પણ લીધેલ છે. તે બદલ તેઓશ્રીનો ઋણી છું.
સૌ કોઈ આ પુસ્તકના વાંચન-મનન દ્વારા જિનશાસનમય બનીને આત્મકલ્યાણ સાધે તેવી શુભભાવના. પરમાત્માની આજ્ઞા વિરુદ્ધ કાંઈપણ લખાયું હોય તો મિચ્છામિ દુક્કડમ્
ભવોદધિતારક ગુરુપાદપરેણુ મેઘદર્શન વિજય
| SR No. | 008956 |
| Book Title | Karmanu Computer Part 1 |
| Original Sutra Author | N/A |
| Author | Meghdarshanvijay |
| Publisher | Akhil Bharatiya Sanskrutirakshak Dal |
| Publication Year | |
| Total Pages | 188 |
| Language | Gujarati |
| Classification | Book_Gujarati & Karma |
| File Size | 4 MB |