________________
હવે તો તમે મને પાછા ઝાડ પાસે લઈ જાઓ તો તેની ઉપર પહોંચીને તમને મારું કાળજું આપું.
મગરભાઈએ વાંદરીની આ વાત માની લીધી પહોંચાડી વાંદરીને ઝાડ પાસે. છલાંગ મારીને વાંદરી પહોંચી ઝાડ ઉપર અને ડિંગો બતાવતી મગરભાઈને કહે છે કે, “અરે ! ઓ મગરભાઈ ! કાળજું તે કદી ઝાડ ઉપર લટકાવીને અવાતું હશે? કાળજું તો સદા સાથે જ હોય. બાય બાય ! ટાટા !”
ભલે વાંદરી હકીકતમાં કાળજું ઝાડ ઉપર મૂકીને નહોતી આવી, કાળજું તો તેના શરીરમાં જ હતું, છતાં તેણે વર્તન એવું કર્યું કે જાણે તેનું કાળજું ઝાડ ઉપર ન હોય ! અને તેમ કરવાથી તે મોતમાંથી ઊગરી ગઈ.
બસ ! આપણે પણ વાંદરી પાસેથી આ જ કળા શીખવાની છે. જયારે જયારે પાપ કરવાનો અવસર આવે ત્યારે મન, હૃદય, આત્મા હકીકતમાં શરીરમાં હાજર હોવાના જ પરન્તુ તે પાપો એવી રીતે કરવા કે જાણે મન કે આત્મા તે વખતે ત્યાં હાજર છે જ નહિ ! જો આ રીતે મનને તે પાપોથી દૂર ઊંચકી લીધું હશે તો અનંત મોતો લાવનાર સંસારપરિભ્રમણમાંથી આપણે પણ ઊગરી જઈશું. તે વખતે પાપકર્માણુઓ બંધાશે તો પણ તેનું બળ ખૂબ જ ઓછું નક્કી થશે, જેનાથી ભયાનક દુઃખોમાંથી ઊગરી જઈશું.
કર્મોનું બળ રૂ. ૧૦૩
