Page Text
________________
શું ખાતરી છે?
આ ભવના જીવનમાં જ બે-પાંચ વર્ષ બાદ, અરે ! કાલે જ તે અશુભકર્મનો શાન્તિકાળ પૂર્ણ કેમ ન થાય? અને જો તેમ થાય તો દુ:ખોના દાવાનળમાં ઝીંકાવા સિવાય કયો ઉપાય બાકી રહે?
તેમ ન થવા દેવું હોય તો આજે જ, હમણાં જ, આ પળે જ ધર્મારાધનામાં લીન શા માટે ન થવું?
ટૂંકમાં જો દુઃખો ન જ ગમતાં હોય, જે સુખો ખૂબ વહાલાં હોય તો અશુભકર્મોને શુભકર્મોમાં ટ્રાન્સફર કર્યા વિના નહિ ચાલે. તે માટે વર્તમાન પ્રત્યેક ક્ષણ ધર્મમાં પસાર થાય, પ્રમાદથી પાછી હટે, શુભભાવમાં રહે તેના માટેની કાળજી સતત રાખવા જેવી છે.
તે માટે ધર્મગુરુઓના સત્સંગને તથા સાહિત્યના વાંચનને જીવનમાં સતત સ્થાન આપી દેવું અત્યંત આવશ્યક છે.
| (૩) ઉદીરણાકરણ જે કર્મોનો શાંતિકાળ ચાલી રહ્યો છે, તેનો શાંતિકાળ પૂર્ણ થયા પહેલાં જ, તરત ઉદયમાં લાવીને, તે કર્માનો વહેલો અનુભવ જે અધ્યવસાય કરાવે છે, તે અધ્યવસાયને ઉદીરણાકરણ કહેવાય છે.
મોડા ઉદયમાં આવનારા કર્મો વહેલાં ઉદયમાં આવ્યાં તેને કની ઉદીરણા થઈ તેમ કહેવાય છે. આત્માના તેવા પ્રકારના પુરુષાર્થથી આ ઉદીરણાકરણ પ્રવર્તે છે.
અનુકૂળ પત્ની છે. આજ્ઞાંકિત બાળકો છે. અમદષ્ટિવાળાં માતા-પિતા છે. ધંધો સુંદર ચાલે છે. ફ્રીજ, ફીયાટ, ફર્નિચર, ફૂલેટ, ફેન વગેરે ફર્સ્ટક્લાસ પ્રાપ્ત થયા છે. શરીરમાં આરોગ્ય પણ સારું છે. શાતા વેદનીયકર્મનો ઉદય ચાલતો હોય તેમ જણાય છે. કોઈ જ તકલીફ અનુભવાતી નથી.
આજે રજાનો દિવસ છે. પત્નીને મનગમતી રસોઈ બનાવવાનું કહ્યું છે. ડાઈનિંગ ટેબલ ઉપર ગોઠવાયા છો. તમારાં ભાવતાં મગની દાળનાં ભજિયાં પત્ની પીરસી રહી છે. અનાદિકાળની લાલસાએ પોતનો ભાગ ભજવવાનું શરૂ કર્યું છે. ઉપરાઉપરી ભજિયાં મુખમાં ધકેલાઈ રહ્યાં છે. વખાણ કરતાં કરતાં તમે તેને આરોગી રહ્યા છો. દાબી દાબીને ભજિયાં ખાવા લાગ્યા કારણ કે તેમાં આસક્તિ પૂરી પેદા થઈ છે.
આસક્તિ એવો શત્રુ છે કે જે માનવીની બુદ્ધિને ભ્રષ્ટ કરે છે. તેની સાચાખોટાને પારખવાની શક્તિને ખતમ કરે છે. સારા માણસને ખરાબ બનાવ્યા વિના તે
૧૪૦
૩ કર્મનું ફપ્યુટર
| SR No. | 008956 |
| Book Title | Karmanu Computer Part 1 |
| Original Sutra Author | N/A |
| Author | Meghdarshanvijay |
| Publisher | Akhil Bharatiya Sanskrutirakshak Dal |
| Publication Year | |
| Total Pages | 188 |
| Language | Gujarati |
| Classification | Book_Gujarati & Karma |
| File Size | 4 MB |