Page Text
________________
(૧) જેના ઉદયે આપણે અત્યંત દુઃખી દુઃખી થવાના છીએ, હેરાન, પરેશાન બનવાના છીએ તેવા ભયંકર અશુભકર્મો શુભકર્મોમાં ઝડપથી ટ્રાન્સફર થવા લાગશે, પરિણામે દુ:ખોના બદલે આપણે સુખને પ્રાપ્ત કરી શકીશું.
(૨) જો આપણે શુભભાવમાં ન રહ્યા હોત તો અશુભભાવમાં જ રહેત. પરિણામે પૂર્વે બાંધેલાં શુભકર્મો પણ અશુભકર્મોમાં ટ્રાન્સફર થઈને આપણને સુખી કરવાના બદલે દુઃખી કરત. તેના બદલે, શુભભાવમાં રહ્યા હોવાના કારણે તે શુભકર્મો પોતાના શુભકર્મપણામાં ટકી રહ્યાં. દુઃખી બનતાં આપણે અટકી ગયા.
આમ, શુભભાવમાં સતત રહેવાથી ઉપરોક્ત બંને લાભ આપણને પ્રાપ્ત થાય છે.
પરન્તુ જો ટી.વી., વીડિયો, ફીજ, એરકન્ડિશનર, ફિયાટ, ફેનમાં અટવાઈએ; દુરાચાર, અનાચારમાં લીન બનીએ, પાપ પ્રવૃત્તિઓમાં મશગૂલ બનીએ, તો તે વખતના અશુભભાવોને કારણે આપણને બે મોટાં નુકશાન થાય.
(૧) પૂર્વે ત્યાગ-તપ કરીને, ધર્મારાધનામાં જોડાઈને જે શુભકર્મ બાંધ્યા છે, તે હવે અશુભભાવમાં લીન બનવાના કારણે અશુભકર્મોમાં ટ્રાન્સફર થઈ જવાથી આપણે સુખી થવાના બદલે દુઃખી બનીશું.
(૨) વળી જો આપણે આ સમયે શુભભાવમાં હોત તો પૂર્વના અશુભકર્મો શુભકર્મોમાં ટ્રાન્સફર થઈને આપણને દુ:ખ ન આપti સુખ આપત, પરન્તુ અશુભભાવ હોવાના કારણે હવે તે અશુભ જ રહેશે. પરિણામે તે દુખ જ આપશે. તેની શુભમાં ટ્રાન્સફર થઈને સુખ આપવાની જે શક્યતા હતી તે દૂર થઈ.
આમ, શુભભાવમાં રહેવાથી થતા બે મહાન લાભોને તથા અશુભભાવમાં રહેવાથી થતા બે ભયંકર નુકશાનોને જાણીને કયો બુદ્ધિશાળી માણસ એક સમય પણ અશુભભાવમાં રહી શકે ? હવે સતત શુભભાવમાં રહેવાનો પ્રયત્ન જે ન કરે તેને કેવો ગણવો?
સંક્રમણકરણની વાત જાણ્યા પછી કોક બુદ્ધિજીવી માનવને મનમાં એમ થાય કે બસ ! હવે તો મજા પડી. આખી જિંદગી મોજ-મજા અને એશઆરામ કરવાના. અને પછી જ્યારે મરવાનો સમય આવે ત્યારે છેલ્લે ધર્મધ્યાન કરી દેવાનું. તેથી પૂર્વે બંધાયેલાં બધાં અશુભક શુભકર્મોમાં ટ્રાન્સફર થઈ જશે. પરિણામે દુર્ગતિઓના દુઃખોના ફંદામાંથી છટકી શકીશું. સદ્ગતિ પ્રાપ્ત થશે. સુખી બનીશું. નાહક આખી જિંદગી ધર્મારાધના કરવાની શી જરૂર ?
આવો સવાલ કરીને પોતાની બુદ્ધિનું બેહૂદું પ્રદર્શન કરાવનાર તે બદ્ધિજીવીને સૌપ્રથમ તો એ પૂછવાનું મન થાય છે કે ભાઈ ! બોલ તો ખરો કે તારે ક્યારે કરવાનું
૧૩૮ 3 કર્મનું કમ્યુટર
| SR No. | 008956 |
| Book Title | Karmanu Computer Part 1 |
| Original Sutra Author | N/A |
| Author | Meghdarshanvijay |
| Publisher | Akhil Bharatiya Sanskrutirakshak Dal |
| Publication Year | |
| Total Pages | 188 |
| Language | Gujarati |
| Classification | Book_Gujarati & Karma |
| File Size | 4 MB |