Page Text
________________
તેના જીવનમાં આવેલું આ વિપરીત પરિવર્તન, પૂર્વે તેણે બાંધેલી સુખ આપવાના સ્વભાવવાળી કાર્મણ રજકણોના સ્વભાવ વગેરેમાં પણ પરિવર્તન લાવ્યા વિના ન રહે. એ જ કર્માણુઓ હવે દુષ્ટ સ્વભાવવાળા બની જાય. એટલે કે હવે જ્યારે તે ટાઈમબોમ્બ ફૂટશે ત્યારે તે માણસને સુખના બદલે મહોત્રાસ મળશે. તે દુઃખી દુઃખી બનશે. તે કર્મ તેને હાયવોય કરાવશે. રડારોળમાં સમય પસાર કરાવશે.
વળી, તે પૂર્વે તે કર્માણમાં દસ વર્ષ સુધી પોતાનો પરચો બતાવવાનું વિપાકકાળ) નક્કી થયું હશે તો હવે તે કાળ કદાચ પચાસ વર્ષનો થઈ જશે. એટલે કે પૂર્વે જે કર્માણુઓ શાન્તિકાળ પૂર્ણ થયા બાદ દસ વર્ષ સુધી પુષ્કળ સુખ આપનારા તરીકે નિયત થયા હતા, તે હવે શાન્તિકાળ પછી પચાસ વર્ષ સુધી ભયંકર વેદના આપીને દુ:ખી બનાવનારા થશે.
દારૂ અને દુરાચારની અવસ્થામાં તે કર્માણનો શાન્તિકાળ ચાલે છે. તેથી તેને હાલ તો તે કર્માણના બદલાઈ ગયેલા સ્વભાવ અને સ્થિતિનો ખ્યાલ નહિ આવે, પણ ટાઈમબોમ્બ ફૂટે એટલી વાર ! શાન્તિકાળ પૂર્ણ થતાં રડી રડીને મરી જાય તેવી તેની હાલત આ દારૂ, દુરાચાર વગેરેના પ્રભાવે થવાની છે.
તે જ રીતે, ધારો કે એક માણસ કુસંગના નાતે જીવન બરબાદ કરી બેઠો છે તેના જીવનમાં અનેક પ્રકારની દુષ્ટતા પ્રવેશી ગઈ છે. અત્યંત સ્વાથી તે બન્યો છે. પોતાના નજીવા સ્વાર્થને સાધવા બીજાનો જાન જોખમમાં મૂકતા પણ તેને કાચી સેકંડની વાર લાગતી નથી. આ લોક મીઠા તો પરલોક કોણે દીઠા? તેવું તે માને છે. તેથી ધર્મ જેવી ચીજ તેના જીવનમાં જોવા ય મળતી નથી. “ખાઓ, પીઓ ને મજા કરો.” તે જ તેનું જીવનસૂત્ર બન્યું છે. પોતાના નજીવા સુખ ખાતર તે બીજા જીવોને દુઃખના દાવાનળમાં ઝીંકી રહ્યો છે. તેવા સમયે તે જે કાર્મણ રજકણોને ખેંચે છે, તેમાં દુઃખ આપવાનો સ્વભાવ નક્કી થાય છે. પરન્તુ તે કાર્મણ રજકણો તરત તો તેને દુ:ખ આપવા લાગતી જ નથી. તેનો શાન્તિકાળ પસાર થઈ રહ્યો છે.
પરન્તુ ધારો કે તે શાન્તિકાળ દરમ્યાન તેના હાથમાં ઘેર બેઠાં તત્ત્વજ્ઞાનના અંકો આવે છે. તેનું વાંચન કરતાં તે ચિંતનમાં ગરકાવ બને છે. જીવનમાં પરિવર્તન લાવે છે. અથવા તો મારા ગુરુદેવશ્રી જેવા કોઈ વિશિષ્ટ જ્ઞાની પ્રભાવક ગુરુના પ્રવચન સાંભળે છે. જે તેના હૃદયમાં સંવેદનો પેદા કરે છે. તેના જીવનમાં ટર્નિંગ પોઈન્ટ આવે છે. છે પરિણામે તે પોતાના જીવનના દોષોની કાળી કિતાબ લખે છે. તે લખતી વખતે ક્યાંય જરાય માયા-કપટ ન થઈ જાય તેની પૂર્ણ તકેદારી રાખે છે. લખતી વખતે
૧૩૨
p. કર્મનું કમ્યુટર
| SR No. | 008956 |
| Book Title | Karmanu Computer Part 1 |
| Original Sutra Author | N/A |
| Author | Meghdarshanvijay |
| Publisher | Akhil Bharatiya Sanskrutirakshak Dal |
| Publication Year | |
| Total Pages | 188 |
| Language | Gujarati |
| Classification | Book_Gujarati & Karma |
| File Size | 4 MB |