________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
ઘડીના વિશ્રામથી તેનો બધો થાક દૂર થઈ ગયો. તેના શરીરમાં સ્કૂર્તિ આવી ગઈ. તે ઊભો થયો. તેણે તપોવનમાં પ્રવેશ કર્યો.
ચાલતાં ચાલતાં તે એક પર્ણકુટી પાસે આવીને ઊભો. પર્ણકુટીમાં તેણે એક સૌમ્ય અને ભવ્ય આકૃતિવાળા તાપસને જોયો.
ભગવાં વસ્ત્ર, માથે મોટી જટા, હાથમાં ત્રિદંડ, લલાટે રાખનું તિલક, પાસે કમંડલુ, હાથમાં રુદ્રાક્ષની માળા, નાસિકાના અગ્રભાગ પર દૃષ્ટિ, હોઠમાંથી મંદ ધ્વનિ... કેળપત્રનો મંડપ...
અગ્નિશર્મા અનિમેષ નયને એ મહાપુરુષને જોઈ રહ્યો. તેના હૃદયમાં હર્ષ થયો. શરીરે રોમાંચ થયો, આંખો વિકસ્વર બની. તેણે એ મહાત્માને પંચાંગ પ્રણિપાત કર્થી, વારંવાર પૃથ્વી પર મસ્તક લગાડી વંદના કરી... તે બોલ્યો : “અહો! અહો ધન્ય! આપનો અવતાર ધન્ય છે!”
એ મહાત્મા તપોવનના કુલપતિ હતા. તેમનું નામ હતું આર્ય કૌડિન્ય. અગ્નિશર્માના ભક્તિપૂર્ણ શબ્દો સાંભળી, કુલપતિએ આંખો ખોલી. તેમણે અગ્નિશર્માને જોયો : ત્રિકોણ મસ્તક, ગોળ માંજરી આંખો, સાવ ચપટું નાક, કાણાં જેવા કાન, લાંબા દાંત, વાંકા-ટૂંકા હાથ, લાંબી-વાંકી ડોક, ટૂંકી છાતી, લાંબું-વાંકું પેટ, જાડી, ટૂંકી સાથળ,
RO.
ભાગ-૧ ૪ ભવ પહેલો
For Private And Personal Use Only
