________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
નગરશ્રેષ્ઠી અને મહાજનો, ગઈકાલની આ ઘટના હું જાણતો નથી. તમે કહો છો, એટલે વાત સાચી જ હશે.”
અને, રાત્રિના સમયે એ બ્રાહ્મણપુત્રનું અપહરણ થયું છે. એને કોઈ ઉપાડી ગયું
બીજું કોણ ઉપાડી જાય? દુષ્ટ ગુણસેન સિવાય, આવું ઘોર પાપ કરવાની હિંમત બીજો કોઈ નગરવાસી ન કરી શકે. હું તમારા સહુની સમક્ષ કુમારને બોલાવું છું.” મહારાજા પૂર્ણચન્દ્ર રોષથી ધમધમી ઊઠ્યા.
મહામંત્રીજી અને સેનાપતિજી, આપ પણ આપના પુત્રરત્નોને બોલાવી લો તો સાથે સાથે બધાનો ન્યાય થઈ જાય...” નગરશ્રેષ્ઠીએ ત્યાં બેઠેલા મહામંત્રી અને સેનાપતિને કહ્યું.
મહારાજાએ કહ્યું : “સાથે સાથે કૃષ્ણકાંતને પણ બોલાવી લો.” રાજમહેલના વિશાળ સભાગૃહમાં મહારાજા પૂર્ણચંદ્રની સામે ચારે મિત્રોને હાજર કરવામાં આવ્યા. ચારે મિત્રો તેમના મુખ નીચાં કરીને ઊભા રહ્યા.
કહો, બ્રાહ્મણપુત્ર અગ્નિશર્મા ક્યાં છે?' મહારાજાએ પૂછ્યું. “અમને ખબર નથી.' ગુડ સેને પ્રત્યુત્તર આપ્યો. રોજ તમે જ એને ઉપાડી જાઓ છો ને?” “હા જી.' તો ગઈ રાતે કોણ ઉપાડી ગયું?” અમે જાણતા નથી.” “તમે સાચું નહીં બોલો?' કોઈએ જવાબ ના આપ્યો.
ગઈ કાલે ગુપ્ત રીતે તમે અગ્નિશર્માને ઉપાડી ગયેલા અને લોહીલુહાણ કરી, નગરની બહાર જીર્ણ મંદિરના ઓટલે ફેંકીને ચાલ્યા ગયેલા? દુષ્ટ, દુઃખ આપવાનો આનંદ તમે ખૂબ માણ્યો, આજે દુઃખ સહવાનો આનંદ માણો.
સેનાપતિ, આ ચારે દુષ્ટોને પચાસ-પચાસ કોરડા મારવામાં આવે... ચારેને લોહીલુહાણ કરીને રાજમહેલની બહાર થાંભલાઓ સાથે બાંધવામાં આવે... આ મારી આજ્ઞા છે.”
નહીં નહીં મહારાજા, આટલી કડક સજા ન કરો... નગરશ્રેષ્ઠીએ અને મહાજનોએ વિનંતી કરી.
શ્રી સમરાદિત્ય મહાકથા
33
For Private And Personal Use Only
