Samaraditya Mahakatha Part 1

SR No.: 008950
Original Sutra Author: N/A
Author: Bhadraguptasuri
Publisher: Mahavir Jain Aradhana Kendra Koba
Publication Year: 2007
Total Pages: 523
Language: Gujarati
Classification: Book_Gujarati & Literature
File Size: 15 MB

Page 421

ગયો. ને જોરજોરથી વમન કરવા લાગ્યો... વમનમાં, શરીરમાંથી બધું જ ઝેર નીકળી ગયું. તું હાંફી રહ્યો હતો. પુનઃ તું સૂઈ ગયો. તને નિદ્રા આવી ગઈ.
સિદ્ધપુત્રે કહ્યું : “દેવી, શ્રેષ્ઠીપુત્ર હવે કુશળ છે. શરીરમાંથી ઝેર નીકળી ગયું છે... તેને સારું છે...'
નંદિની સિદ્ધપુત્રનાં ચરણોમાં પડી ગઈ. આંખોમાં આંસુ સાથે તેણે કહ્યું : “આપે મારું સૌભાગ્ય અખંડ રાખ્યું... આપે મારા ઉપર અનંત ઉપકાર કર્યો... ભગવંત! શું આપ મને કહેશો કે મારા સ્વામીને કોણે ઝેર આપ્યું?'
દવી, ઝેર આપનાર વ્યક્તિ તારા ઘરમાંથી ચાલી ગઈ છે. હવે એ વ્યક્તિ ઘરમાં પાછી નહીં આવે. દ્રવ્યલોભથી પ્રેરાઈને એણે ઝેર આપેલું. ખેર, શ્રેષ્ઠીપુત્રના પુણ્યોદયથી જ, મારે આ નગરમાં આવવાનું થયું હશે! દેવી, તમે એક ઉત્તમ પુરુષની અધગના છો...” સિદ્ધપુત્ર ત્યાંથી ચાલ્યા ગયા. બે ઘટિકા પછી તારી નિદ્રા દૂર થઈ. નંદિનીએ તને ભાવપૂર્વક પારણું કરાવ્યું. તેં પૂછ્યું : “માતા ક્યાં છે?”
નંદિનીએ કહ્યું: ‘તેઓ ચાલ્યાં ગયા છે, હવે પાછાં નહીં આવે.. એમ, તમારું ઝેર ઉતારનારા મહાપુરુષે કહ્યું છે.' તું વિચારમાં પડી ગયો. નંદિનીએ કહ્યું :
એ ઉપકારી સિદ્ધપુત્રે એ પણ કહ્યું કે આપને ઝેર પણ એમણે જ આપ્યું હતું... એ પણ દ્રવ્યલોભથી..”
ઓહો... તો મારી માતાના મનમાં પેલું નિધાન રમતું હતું? એ નિધાન એને એકલીને મેળવવું હતું? અહો, આ સંસાર કેવો છે? આ જીવન કેવા ઉપદ્રવોથી ભરેલું છે? કપાયો જીવને કેવો પાપી બનાવી દે છે? આજે માતાને કષાયોએ ભાન ભુલાવ્યું... કાલે મને ભાન ભુલાવે. માટે મારે આ ગૃહવાસમાં રહેવું જ નથી. હું સાધુધર્મ અંગીકાર કરી... મોક્ષમાર્ગની આરાધના કરી લઉં!'
તેં નંદિનીને વાત કરી. એણે અનુમતિ આપી.
તેં આચાર્ય દેવશર્મા પાસે ચારિત્રધર્મ સ્વીકાર્યો. ચારિત્રનું નિરતિચાર પાલન કર્યું : સમાધિમૃત્યુ થયું. તું દેવલોકમાં દેવ થયો.
તારી માતા શ્રીદેવી, લક્ષ્મીપર્વત ઉપર પહોંચી. નિધાનની જગા ઉપર તેણે સ્વયં કલાત્મક મહાપીઠિકા બનાવી અને ત્યાં જ રહેવા લાગી.
તેનું આયુષ્ય પૂર્ણ થયું. મરીને તે નરકમાં ગઈ. શ્રી સમરાદિત્ય મહાકથા
808