________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
છે એ કાળસર્પના ઝેરી ડંખમાં અસંખ્ય રોગો ઉત્પન્ન કરવાની ભયંકરતા રહેલી છે.
છે એ કાળસર્પના ડંખમાં પાર વિનાની પીડાઓ આપવાનું તાલપુટ ઝેર રહેલું છે.
એ કાળસર્પની દાઢમાં પકડાયેલો મનુષ્ય ગમે તેટલા ધમપછાડા કરે, છતાં છૂટી શકતો નથી.
એ કાળસર્પ જેવા યમરાજ સાથે યુદ્ધ કરી શકાતું નથી, અને એનાથી છૂટીને ભાગી જઈ શકાતું પણ નથી. આવા યમરાજનું આ મનુષ્યલોક ઉપર એકચક્રી રાજ છે. અનુશાસન છે...
આવા મનુષ્યલોકમાં દીર્ઘકાળ જીવવાની ઇચ્છા રાખવી – એ મોટો પ્રમાદ છે. ચારે ગતિના સર્વ જીવો પર યમરાજ શાસન કરે છે... એમાંથી મુક્તિ મેળવવી, એ જ આ જીવનનું શ્રેષ્ઠ કર્તવ્ય છે.
યમરાજરૂપી કાળસર્પ.... ગમે ત્યારે અને ગમે ત્યાં ડંખ દઈ શકે છે. પૃથ્વી પર હો, પાતાળમાં હો કે આકાશમાં હો! એ કાળસર્પની ગતિ ત્રણે લોકમાં છે... માટે એ કાળસર્ષ આવીને ડંખે, એ પૂર્વે આત્મકલ્યાણ સાધી લેવું જોઈએ.
મને એ કાળસર્પ દેખાઈ રહ્યો છે.
કુમાર, મારી ચૌદમી વાત છે “મૃત્યરૂપી હાથીની તું થોડી વધારે ધીરજ રાખીને સાંભળ :
મૃત્યુ એટલે યમરાજ. યમરાજ એક ઉન્મત્ત જંગલી હાથી જેવો છે. એ હાથીને ભય બતાવીને ભગાડી શકાતો નથી.
જે મનુષ્ય એની નજરે ચડ્યો. એના તરફ ધસી જાય છે... અને એની લાંબી અને મજબૂત સુંઢમાં એને પકડી લે છે... અલબત્ત, એની સૂંઢ મનુષ્યને દેખાતી નથી, પણ જ્યારે એ સૂંઢમાં જકડાઈ જાય છે, ત્યારે એને ખ્યાલ આવે છે કે હું યમરાજ રૂપ હાથીની સૂંઢમાં જ કડાઈ ગયો છું.
આ સંસાર, ભીષણ જંગલ છે. છે. જંગલમાં જંગલી હાથીઓનાં ટોળાં છે... - નિરંકુશ બનીને તેઓ જંગલમાં વિચરે છે...
એ રોજે રોજ અસંખ્ય જીવોને પોતાની સૂંઢમાં પકડીને પોતાના પોલાદી પગ નીચે ચગદી નાખે છે, કચરી નાંખે છે.
પ્રતિદિન કેટલા જીવો મૃત્યુને આધીન થાય છે? એક દિવસ આપણે પણ એ યમરાજરૂ૫ હાથીની સૂંઢમાં પકડાઈ જવાના છીએ. અવશ્ય પકડાવાના છીએ...
ભાગ-૧ ૦ ભવ બીજો
૩પ૦
For Private And Personal Use Only
