Page Text
________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
છે, અનંતકાળ પર્યત એ વિચરતું રહેશે. એને કોઈ અવરોધ નડતો નથી. ભલેને મનુષ્ય વજના સદનમાં છુપાઈ જાય કે પર્વતની ઊંડી ગુફામાં પેસી જાય... મૃત્યુ એને ભક્ષ્ય બનાવી દે છે.
ભલે કોઈ લાચારી કરીને... “મને ના મારો... મને ચાવી ના જાઓ...' જીવનની યાચના કરે, મૃત્યુ એની યાચના સાંભળતું નથી... એનામાં દયા જેવું કોઈ તત્ત્વ હતું નથી. એના પર કોઈનું શાસન નથી, એ જ જીવલોકનું શાસક છે. ગમે ત્યાં અને ગમે ત્યારે એ સિંહ જેવું મૃત્યુ જીવના ઉપર હુમલો કરીને ચીરી નાંખે છે... ને શાન્તિથી એને આરોગી જાય છે.
આપણે સહુ સંસારના જંગલમાં ભટકતાં પશુ છીએ... એક દિવસ મૃત્યુ-સિંહ આપણા પર ત્રાટકવાનો જ છે... આ વાતને સમજનાર મૃત્યુથી શા માટે ડરે? કુમાર, હવે હું સાતમી વાત, જિનવચન'ની કરું છું – તેને તું શાન્તિથી સાંભળ .”
જે મહાનુભાવોની જ્ઞાનદષ્ટિ ખૂલી ગઈ હોય છે, તેમને સંસારમાં જીવોનાં થતાં પુનઃપુનઃ જન્મ અને મૃત્યુ જોઈને સંસાર પ્રત્યે કંટાળો આવ્યો હોય છે, જીવનમાં આવતી અસંખ્ય આધિ-વ્યાધિ અને ઉપાધિઓથી જે ઓ ઉદ્વિગ્ન બન્યા હોય છે, અને જેઓને આ ભવ' જ મોટો રોગ સમજાયો છે... ને ભાવરોગથી જેઓ પીડાતા હોય છે, તેઓ આ બધાથી મુક્ત થવા, જિનેશ્વર ભગવંતોનાં વચનોનું શરણ લેતા હોય
તેઓને જન્મ-મૃત્યુની પેલે પાર જવું હોય છે, જિનવચન તેમને પાર પહોંચાડે છે!
તેઓને અસંખ્ય આધિ-વ્યાધિ અને ઉપાધિઓથી છુટકારો મેળવવો હોય છે, જિનવચન તેમને મુક્તિ અપાવે છે.
તેઓને ભવરગની કારમી પીડાને ઉપશાંત કરનારું ઔષધ જોઈએ છે, જિનવચનનું ઔષધ તેમની પીડાને ઉપશાંત કરે છે.. - જિનવચન જ શરણભૂત છે. મેં એ જિનવચનોનું શરણ ગ્રહ્યું છે. ગુરુદેવ ધર્મઘોષનો મારા ઉપર પરમ ઉપકાર છે. તેઓએ મને જિનવચનો આપ્યાં, સમજાવ્યાં અને મારા હૃદયમાં સ્થાપિત કર્યા.
એ જિનવચનોના પ્રભાવે, મને કષ્ટ આપનારા ઉપર મને રોષ નથી થતો... ઘર વેદનામાં પણ આર્તધ્યાન નથી થતું. હું સમતાભાવમાં સ્થિર છું.
કુમાર, હું આઠમી વાત પણ “જિનવચન'ના પ્રભાવની કહું છું. તું શાન્તિથી સાંભળ.
જિનવચન એક સિદ્ધ રસાયણ છે. આ રસાયણનો ઉપયોગ ત્રણ પ્રકારના રોગો પર થાય છે. આ અમોઘ રસાયણ છે. ક્યારેય પણ નિષ્ફળ નથી જતું.
જે પ્રબુદ્ધ જીવોને હવે ફરીથી સંસારમાં જન્મ નથી લેવો... એ માટે જેઓ કોઈ
389
ભાગ-૧ = ભવ બીજો
For Private And Personal Use Only
| SR No. | 008950 |
| Book Title | Samaraditya Mahakatha Part 1 |
| Original Sutra Author | N/A |
| Author | Bhadraguptasuri |
| Publisher | Mahavir Jain Aradhana Kendra Koba |
| Publication Year | 2007 |
| Total Pages | 523 |
| Language | Gujarati |
| Classification | Book_Gujarati & Literature |
| File Size | 15 MB |