________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
“આ ગર્ભના જ પાપે મને આજે સવારે ખૂબ જ દુષ્ટ વિચાર આવ્યો... ઘર પાપેચ્છા થઈ આવી. પરંતુ ભલે મારા પ્રાણ જાય.... છતાં એ ઇચ્છા હું પૂર્ણ નહીં જ કરું..”
કેવી ઇચ્છા દેવી?' મહારાજાના આંતરડાં ખાવાની...' અર૨૨. દેવી... આવી ઇચ્છા જાગી મનમાં?'
હા... માટે તમને બોલાવી છે. આવી ઇચ્છા ઉત્પન્ન કરનાર જીવ મારે ના જોઈએ. ભલે હું પુત્ર વિનાની રહું. મારા સ્વામીનાથને અહિત કરનારો... એમને ડંખ મારનારો પુત્ર મારે નથી જોઈતો. હું એને જન્મ આપવા નથી માગતી.. તમે મને એવું ઔષધ લાવી આપો... કે જેથી ગર્ભપાત થઈ જાય.”
ધાવમાતા પુષ્પલતા આવાં કામોમાં ચતુર હતી, પરંતુ આ પ્રસ્તાવ મહારાણીનો હતો. માત્ર મહારાણીની ઇચ્છાથી ગર્ભપાત ન કરી શકાય. મહારાજાની પણ સંમતિ જોઈએ. તેણે કહ્યું : “મહાદેવી, મહારાજા પ્રત્યેની અપાર લાગણી. અપાર સ્નેહ આપને આ કામ કરવા પ્રેરે છે. એ અમે સમજીએ છીએ. પરંતુ આ કામ માટે મહારાજાની સંમતિ જોઈએ. એમને પૂછુયા વિના ગર્ભપાત કરી નાંખીએ... અને એમને ખબર પડે..
એ ચિંતા તમારે નથી કરવાની. તમને કોઈ સજા નહીં થાય ગર્ભપાતની સંપૂર્ણ જવાબદારી મારી... મહારાજાના મનનું સમાધાન હું કરીશ...”
તે છતાં પુષ્પલતાનું મન માનતું ન હતું. “કોઈ જવાબદાર મોટું માણસ આ યોજનામાં હોવું જોઈએ,” એમ એને લાગ્યું હતું. તેણે મદનરેખાને કહ્યું : “આપણે દેવી મુક્તાવલીને વાત કરીએ તો કેમ?'
ના, ના... દેવી મુક્તાવલી પોતાની પુત્રીને પુત્રવતી જોવા ઉત્સુક છે... એ કદાપિ આ યોજનાને માન્ય નહીં કરે..”
તો તું એક કામ કર. કરીશ?” બોલો.”
તું મહાસેનાપતિજીને આ વાત કરી રાખ. અત્યંત ગુપ્ત રીતે. કાલે ઊઠીને કોઈ આફત ઊભી થાય... તો તેઓ આપણા પક્ષે રહે. અને મહારાજાના તેઓ અંગત મિત્ર પણ છે. એટલે જરૂર પડે ત્યારે મહારાજાને શાંત પણ પાડી શકે....”
મદનરેખાએ થોડી ક્ષણ વિચાર કર્યો. પ્રત્યાઘાતોની કલ્પના કરી જોઈ.. અને તેણે હા પાડી દીધી. શ્રી સમરાદિત્ય મહાકથા
303
For Private And Personal Use Only
