________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
[૫ ૧૮HI
નાન કર્યું. દંતધાવન કર્યું અને દુગ્ધપાન કર્યું. બધું સહજતાથી કર્યું. મહારાણી વસંતસેનાની ઉપસ્થિતિમાં કર્યું. પરંતુ બંને મૌન. અવારનવાર માત્ર દૃષ્ટિ મળી. રાણીની દૃષ્ટિમાં જિજ્ઞાસા હતી. રાણીની દૃષ્ટિમાં અગમ્ય ભયનો ઓછાયો હતો. રાજાની દૃષ્ટિમાં ચમક હતી. રાજાની દૃષ્ટિમાં નિશ્ચય હતો.
બંને એકાંત ખંડમાં બેઠાં. ખંડના ચાર ખૂણાઓમાં ધૂપસળી સળગી રહી હતી. ધૂમ્રસેરો ખંડને સુગંધથી ભર્યે જતી હતી.
મહારાજા ગુણને મૌન તોડ્યું : ‘દેવી!” નાથ!' એક મહત્ત્વના નિર્ણયની જાણ કરવી છે.” આપના કે આપણા?'
અત્યારે તો મારો નિર્ણય જણાવવો છે. તમારા માટે નિર્ણય કેવી રીતે કરી શકું?' ‘એ અધિકાર પણ આપને આપેલો જ છે.'
છતાં... આ નિર્ણય સામાન્ય નથી, વિશિષ્ટ છે. એટલે તમારો અભિપ્રાય જાણવો આવશ્યક લાગ્યો.'
આપનો નિર્ણય પ્રકાશિત કરો.”
ગ્રહવાસનો ત્યાગ કરી, ગુરુદેવ આચાર્યદેવ વિજયસેનનાં ચરણોમાં પહોંચી, મહાપ્રવ્રજ્યા સ્વીકારીશ.”
વસંતસેનાની આંખો બંધ થઈ... ભીની થઈ.. અને અશ્રુબિંદુઓ ટપકવા લાગ્યાં, ‘નિર્ણય ના ગમ્યો દેવી?” વસંતસેનાની દૃષ્ટિ જમીન પર સ્થિર થઈ. રૂંધાયેલા સ્વરે તે બોલી :
નાથ, આપ ગમે ત્યારે આ નિર્ણય કરશો જ, એ હું સમજતી હતી, પરંતુ આટલો ત્વરિત નિર્ણય કરશો, તે નહોતી જાણતી.”
‘ત્વરિત નિર્ણય કરવાનું નિમિત્ત મળી ગયું.” રાણીએ મહારાજાની સામે જોયું. મહારાજાએ કહ્યું :
૧૫e
ભાગ-૧ * ભવ પહેલો
For Private And Personal Use Only
