Page Text
________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
‘સિદ્ધશિલા છે, ત્યાં રહેલા છે. સર્વથા નિરંજન અને નિરાકાર એ સિદ્ધ-બુદ્ધ અને મુક્ત આત્માઓ સદેવ પૂર્ણાનંદ અનુભવતા હોય છે. ત્યાં જન્મ, આધિ-વ્યાધિઉપાધિ અને મૃત્યુનાં દુઃખ નથી હોતાં. ત્યાં શબ્દ-રૂપ-રસ-ગંધ અને સ્પર્શનાં ભૌતિક સુખો નથી હોતાં... ત્યાં હોય છે આત્માના અનંત ગુણોની રમણતા! આવાં પરમ આધ્યાત્મિક સુખ પામ્યા પછી... ક્યારેય પણ આ જીવલોકમાં અવતરવાનું થતું નથી. ત્યાં જ શાશ્વત.. અનંત કાળ રહેવાનું!
પ્રભો, આવું શાશ્વત સ્થાન આપણને તો દેખાતું નથી? કયા મહાપુરુષે આ સ્થાન બતાવ્યું?'
કેવળજ્ઞાની સર્વજ્ઞ એવા તીર્થકર ભગવંતોએ એ સ્થાન એમના જ્ઞાનલોકમાં જોયું અને પછી બતાવ્યું.'
એ સ્થાન પામવાના ઉપાયો પણ એ પરમ પુરુષે બતાવ્યા હશે?”
બતાવ્યા છે ને! સમ્યગ્દર્શન, સમ્યજ્ઞાન અને સમ્યકચારિત્ર આ મોક્ષમાર્ગ છે. શ્રદ્ધા-જ્ઞાન અને ચારિત્રથી મોક્ષ પામી શકાય છે. શ્રદ્ધા અને જ્ઞાન ભાવરૂપ છે, ચારિત્ર ક્રિયારૂપ છે.
રાજન, અનાદિકાળથી આઠ કર્મો અને એ કર્મોનાં નિમિત્ત કારણો-મિથ્યાત્વ, અવિરતિ, કષાય, યોગ અને પ્રમાદ-આ પાંચ આશ્રવોથી જીવો એવા દબાયેલા છે કે “શ્રદ્ધાનો ગુણ પ્રાપ્ત થવો અતિ દુર્લભ હોય છે. આત્મા પરથી અનંત કર્મોનો ભાર દૂર થાય... તીવ્ર રાગદ્વેષની વૃત્તિઓ નાશ પામે ત્યારે શ્રદ્ધા-સમ્યગ્દર્શન આત્મામાં પ્રગટ થાય છે.
એ આત્માને જિન-વચનો ગમે છે. ગૃહવાસ પ્રત્યે અંતઃકરણમાં વૈરાગ્ય પ્રગટે છે. શાશ્વત સુખ પ્રત્યે અનુરાગ જન્મે છે. દુઃખી જીવો પ્રત્યે અત્યંત દયા જાગે છે અને કંઈક અંશે એના કષાયો શાન્ત પડે છે. એ આત્મા થોડો ઉપશાન્ત થાય છે. બહુ વધારે કોપ નથી કરતો, અતિ અભિમાન નથી કરતો, ગૂઢ કપટ નથી કરતો... અતિ લોભ નથી રાખતો.”
રાજા ગુણસેનને આ બધી તત્ત્વજ્ઞાનની વાતો સાંભળતાં ને સમજતાં આનંદનો અનુભવ થયો. તેમણે પૂછ્યું :
ભગવંત, આવું સમ્યગ્દર્શન આત્મામાં પ્રગટ થઈ ગયા પછી ચાલ્યું ન જાય ને?'
ચાલ્યું પણ જાય, રાજન કર્મોનું જોર વધી જાય. તો ચાલ્યું જાય છે. જેમ મધ્યાહ્નનો સૂર્ય પણ વાદળોથી ક્યારેક ઘેરાઈ જાય છે ને? તેવી રીતે.'
“ભગવનું, સમ્યગ્દર્શનની સાથે જ સમ્યજ્ઞાન પ્રગટે છે? “હા મહાનુભાવ, સમ્યગ્દર્શનની સાથે જ સમ્યજ્ઞાન પ્રગટે છે. એને સર્વપ્રથમ શ્રી સમરાદિત્ય મહાકથા
૧33
For Private And Personal Use Only
| SR No. | 008950 |
| Book Title | Samaraditya Mahakatha Part 1 |
| Original Sutra Author | N/A |
| Author | Bhadraguptasuri |
| Publisher | Mahavir Jain Aradhana Kendra Koba |
| Publication Year | 2007 |
| Total Pages | 523 |
| Language | Gujarati |
| Classification | Book_Gujarati & Literature |
| File Size | 15 MB |