________________
અમેરિકાની જનસંખ્યાના ૦.૭ ટકા લોકો જેલમાં
દૈનિક ભાસ્કર: તા. ૩/૬૦૭
વિશ્વની એક માત્ર મહાસત્તામાં જેની ગણના થાય છે એ અમેરિકાનું આ વરવું ચિત્ર છે. બળાત્કાર, ખૂન, લૂંટ, ચોરી, વ્યભિચાર વગેરે અપરાધોએ ત્યાં મૂકેલી માઝાએ એ દેશને આ સ્થિતિએ લાવીને મૂકી દીધો છે એ જાણ્યા પછી ય આ દેશના શાસકો આ દેશને મહાસત્તા બનાવવા માગે છે એ જાણી સ્તબ્ધ તો થઈ જ જવાય છે પરંતુ સાથોસાથ વ્યથિત પણ થઈ જવાય છે. વૈશાખ-જેઠ પોતાની સાથે તડકો લાવે જ છે કે કેમ, એ ખબર નથી. પોષ-મહ પોતાની સાથે ઠંડી લાવે જ છે કે કેમ, એ ય ખબર નથી પરંતુ અમાપ સત્તા અને વિપુલ સંપત્તિ તો પોતાની સાથે અપરાધો લાવે જ છે એ શંકા વિનાની વાત છે. અલબત્ત, આ સત્ય શાસકોને સમજાતું જ નથી અને એમાં ય આ દેશના શાસકોને તો સમજાવાનું જ નથી. પ્રભુ સહુને સબુદ્ધિ આપે !
LINUM
