________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
छत्त-चामर-पडाग-जूअ-जव-मंडिआ, झय-वर-मगर-तुरय-सिरिवच्छ-सु-लंछणा; दीव-समुद्द-मंदर-दिसा-गय-सोहिआ, सत्थिअ-वसह-सीह-रह-चक्क-वरंकिया. ललिअयं. ३२ सहाव-लट्ठा सम-प्पइट्ठा, अ-दोस-दुट्ठा गुणेहिं जिट्ठा, पसाय-सिट्ठा, तवेण पुट्ठा, सिरीहिं इट्ठा रिसीहिं जुट्ठा. वाणवासिआ.
३३ ते तवेण धुअ-सव्व-पावया, सव्व-लोअ-हिअ-मूल-पावयासंथुआ अ-जिय-संति-पायया, हुंतु मे सिव-सुहाण दायया. अपरांतिका.
३४ एवं तव बल-विउलं; थुअं मए अजिअ-संति-जिण-जुअलं; ववगय-कम्म-रय-मलं, गई गयं सासयं विउलं. गाहा.३५ तं बहु-गुण-प्पसायं, मुक्ख-सुहेण परमेण अविसायं; नासेउ मे विसायं; कुणउ अ परिसा वि अप्पसायं. गाहा. ३६ तं मोएउ अ नंदि, पावेउ अ नंदिसेणमभिनंदि; परिसा वि अ सुह-नंदि, मम य दिसउ संजमे नंदि. गाहा.३७ पक्खिअ-चाउम्मासिअ-संवच्छरिए अवस्स-भणिअव्वो, सोअव्वो सब्वेहिं, उवसग्ग-निवारणो एसो. ३८
१६
For Private And Personal Use Only
