________________
૬
ક.
શાંત મન કાયમ નિરુપદ્રવી હોય છે અને નિરુપદ્રવી મનના કારણે જ જગતમાં, જીવનમાં અને મનમાં પ્રસન્નતા અનુભવાય છે.
લખી રાખજે તારા દિલની દીવાલ પર કે જ્યાં સુધી શાંત મનને બદલે સશક્ત મનની જગતમાં માંગ રહેવાની છે ત્યાં સુધી જગતમાં સમસ્યાઓ, સંઘર્ષો, ઉપદ્રવો અને યુદ્ધો ચાલુ જ રહેવાના છે. વિશ્વશાંતિ અંગે ભલે ગમે તેટલા પરિસંવાદો યોજાય કે આકાશમાં ભલે લાખોની સંખ્યામાં કબૂતરો ઉડાવાય બધું ય નિરર્થક જ પુરવાર થવાનું છે.
કરુણતાની પરાકાષ્ઠા તો એ છે કે સશક્ત મનની આ ભયંકરતા છતાં અને શાંત મનની આ ભદ્રકરતા છતાં સર્વત્ર બોલબાલા સશક્ત મનની જ છે, શાંત મન તો જાણે કે કમજોરીનું પર્યાયવાચી બની ગયું છે. ખેર, તું પોતે આ ગણતરીમાંથી બહાર આવી જા. સશક્ત મનનો નહીં, શાંત મનનો ચાહક બની જા. ફાવી જઈશ.
