________________
મહારાજ સાહેબ,
સુખ અને દુઃખને તો સમજી શકાય છે, જય અને પરાજયને તથા શ્રીમંતાઈને અને દરિદ્રતાને પણ સમજી શકાય છે; પરંતુ મન અને અંતઃકરણને સમજતાં તો નવનેજાં પાણી ઊતરી જાય છે. શીરાની જેમ ગળે ઊતરી જાય એવી મન અને અંતઃકરણ અંગેની આપ કો'ક સમજ આપી શકો ખરા?
ઘનશ્યામ,
માત્ર આપણાં સુખની જ ચિંતા કરીને જે અટકી જાય છે એનું નામ જો મન છે તો સુખની સાથે જ હિતની પણ ચિંતા કરે છે એનું નામ અંતઃકરણ છે. મન એ જો આપણું મિત્ર છે તો અંતઃકરણ એ. આપણું કલ્યાણમિત્ર છે.
મન કહે છે, સંપત્તિ જોઈએ. અંતઃકરણ કહે છે, સંપત્તિનો સદુપયોગ જોઈએ. મન કહે છે, સુખ મેળવવા પાપો કરવા પડતાં હોય તો ય કરી
