________________
એ લાખ દરજ્જુ સારું છે. તારી ભાષામાં તને સમજાવું તો જાગી ગયેલા રાવણ કરતા સૂતેલો કુંભકર્ણ કેઈ ગણો વધુ સારો છે.
મારે તો તને ધન્યવાદ આપવા છે કે તું તારા મનને શુભ વિચારોથી વાસિત રાખવામાં કમ સે કમ સફળ તો બની રહ્યો છે ને ? આ જગતમાં સંખ્યાબંધ જીવો તો એવા જ છે કે જેઓએ પોતાનાં મનને કાં તો અશુભ વિચારોનું ગોડાઉન બનાવી રાખ્યું છે અને કાં તો અશુભ વિચારોથી વ્યાખ ગટરતુલ્ય બનાવી દીધું છે. ભૂલેચૂકે એ વિચારો જો આચરણરૂપ બની ગયા તો કોને માટે એ ત્રાસરૂપ નહીં બન્યા રહે એ પ્રશ્ન છે.
ફરી તને કહું છું કે, ગટરનું ઢાંકણું ખૂલી જાય એના કરતાં અત્તરની બાટલી બંધ પડી હોય એ વિકલ્પ વધુ સારો છે. ગમે ત્યારે પણ એ ખૂલી જશે તો લાભ જ લાભ છે અને નહીં પણ ખૂલે તો ય નુકસાન તો નામનું ય નથી.
