________________
મહારાજ સાહેબ,
આવક ઓછી થઈ ગઈ છે, મોંઘવારી વધી ગઈ છે, મિત્રો દૂર થઈ રહ્યા છે, શરીર પણ શિથિલ થતું ચાલ્યું છે. પરિસ્થિતિમાં જો કોઈ જ ફેરફાર નહીં થાય તો મને એમ લાગે છે કે કાં તો હું પાગલ બની જઈશ અને કાં તો હું આત્મહત્યા કરી બેસીશ. આપ કંઈક નક્કર માર્ગદર્શન આપો એમ હું ઇચ્છું છું.
પ્રથમ,
આ જગતમાં ૩/૪ ઉપરાંત જીવો કેવી રીતે જીવી રહ્યા છે એ એકવાર તું જાણી લે. ખાતરી સાથે કહું છું કે તને તારા એક પણ દુઃખ કે તકલીફ અંગે ફરિયાદ કરવાનું મન નહીં થાય.
એ જગતમાં કેટલાય પુત્રો એવા છે કે જેમનાં માબાપ હયાત નથી. એ જગતમાં કેટલાય માબાપો એવા છે કે જેઓએ પોતાના યુવાન પુત્રોને સ્મશાનમાં પોઢી ગયેલા જોયા છે. એ જગતમાં કેટલાય કુટુંબો એવા છે કે જેમની પાસે એક ટંકના ભોજનના વાંધા છે.
૩૩
