Mayna

SR No.: 008914
Original Sutra Author: N/A
Author: Bhadraguptasuri
Publisher: Mahavir Jain Aradhana Kendra Koba
Publication Year: 2009
Total Pages: 298
Language: Gujarati
Classification: Book_Gujarati & Story
File Size: 9 MB

Page 55

ચકલાઓનું ટોળું અને અતિ કર્કશ અવાજ! ગુરુદેવ આદિ ત્રણેયને એ ટોળાએ ઘેરી લીધા. તુર્ત જ સિદ્ધેશ્વર મુનિએ જયરાજને કહ્યું : ‘બલિ-બાકળા ઉછાળ!' જયરાજે બે મુઠ્ઠી ભરીને બાકળા ઉછાળ્યા. ચકલાઓનું ટોળું અદૃશ્ય થઈ ગયું.
આગળ ચાલ્યા. થોડુંક ચાલ્યા અને હૂકું હૂક્... કરતા પીળા મોઢાવાળા વાંદરાઓનું ટોળું સામે મળ્યું. વાંદારાઓ ઘેરી વળે એ પહેલાં જ સિદ્ધેશ્વરે જયરાજને કહ્યું : ‘જયરાજ! મારા હાથમાં ચોખા આપ.' જયરાજે ચોખા આપ્યા. સિદ્ધેશ્વરે એ ચોખા અભિમંત્રિત કરીને વાંદરાઓ ઉપર ફેંક્યા. વાંદરાઓ અદૃશ્ય થઈ ગયા.
હવે તેઓ તપતીદેવીના મંદિર તરફ ઝડપથી ચાલ્યા. મંદિર થોડુંક જ દૂર હતું, ત્યાં મોટા યમરાજ જેવા બિલાડાઓનું જંગી ટોળું સામે આવતું જોયું. સિદ્ધેશ્વરે જયરાજને કહ્યું : ‘જયરાજ, લાલ રંગનાં ફૂલો આ બિલાડાઓ સામે ફેંક્!' જયરાજે ફેંક્યાં ને બિલાડાઓ જાણે હવામાં ઓગળી ગયા!
ત્રણેય જણા દેવીના મંદિરની સામે આવીને ઊભા. આચાર્યદેવે મંદિરના તોરણ આગળ ઊભા રહી ‘સૂરિમંત્ર'નું ધ્યાન કર્યું.
સિદ્ધેશ્વર મુનિ બોલ્યા : ‘હૈ તપતીદેવી! મોટામોટા અસુરો જેમના પગની રજ પોતાના માથે ચઢાવે છે તે આ મુનિચન્દ્રસૂરિનો આદરસત્કાર કર. તારા મહાન પુણ્યનો ઉદય છે કે આવા લોકોત્તર પુરુષ તારા અતિથિ બન્યા છે!'
ત્યાં અદૃશ્ય રહેલી વ્યંતરદેવીનું અટ્ટહાસ્ય સંભળાયું. ધરતી ધ્રૂજી ઊઠી. મંદિર ધણધણી ઊઠ્યું. પરંતુ ગુરુ-શિષ્યનું એક રુંવાડુંય ના ફરક્યું. જયરાજ પણ અડીખમ ઊભો હતો.
૪૬
દેવી પ્રગટ થઈ. રૌદ્ર-ભયંકર રૂપ કર્યું. લાંબી લાંબી જીભ કાઢી આચાર્યની સમક્ષ ચાળા પાડવા લાગી. આચાર્યદેવ તો ધ્યાનમાં લીન હતા પણ સિદ્ધેશ્વરે ત્રાડ પાડીને કહ્યું : ‘રે દુષ્ટ દેવી! તું મારા ગુરુદેવનું અપમાન કરે છે? મારી શક્તિની શું તને ખબર નથી? હું તને શાંતિથી સમજાવું છું એટલે તું આ બધા ચાળા કરે છે? શું તું
અમને ડરાવે છે? તો હવે જોઈ લે મારો ચમત્કાર!'
સિદ્ધેશ્વર મુનિએ બે પગ પહોળા કર્યા. બે હાથ કમર પર ટેકવ્યા.
શમણા