________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
પ૯
લંકાવિજય
માતાના મહેલમાંથી ક્યાં નીકળ્યા ત્યાં સુવર્ણના થાળમાં કુમકુમ, અક્ષત અને શ્રીફળ લઈને મંદોદરી, ડિમ્પાલા અને પંકજ શ્રી સામે આવી. ક્રમશ: ત્રણયએ રાવણ, કુંભકર્ણ, બિભીપણના કપાળમાં તિલક કર્યા. અક્ષતથી વધાવ્યા અને હાથમાં શ્રીફળ આપ્યાં.
જ્યાં ત્રણેય ભાઈઓ રાજમહાલયના પટાંગણમાં આવ્યા ત્યાં હજારો રાક્ષસવીરોએ વિજયધોષણાનો દિવ્યધ્વનિ કર્યો. ત્રણેય મહારથીઓ પોતપોતાના ખાસ રથોમાં આરૂઢ થયા. પાસે ઊભેલા વયોવૃદ્ધ પિતામહ સુમાલી અને પિતા રત્નશ્રવાએ પત્રરત્નોને આશીર્વાદ આપ્યા. રાજપુરોહિતે પ્રયાણની ઘડી આવતાં ઘોષણા કરી.
મહારાજ! પ્રયાણ આરંભો.' લશ્કરના મહાન કોલાહલથી આકાશ ધમધમી ઊડ્યું. દેવોએ આકાશમાંથી સુગંધી પપ્પાની વૃષ્ટિ કરી. સહસ્ત્રશ્મિ પરથી વાદળો દૂર ખસી ગયાં, પૃથ્વીતલ પ્રકાશના પંજથી ઊભરાઈ ગયું.
વાયવેગી અશોએ લશ્કરને જોતજોતામાં સ્વયંપ્રભનગરથી દૂર દૂર લાવી મૂક્યું, દશમુનો રથ આગળ નીકળી ગયો. કુંભકર્ણને તો તેના તાનમાં ને તાનમાં ખબર પડી નહિ ત્યાં બાજુમાં બિભીષણનો રથ આવી લાગ્યો.
“કેમ ભાઈ, શો વિચાર છે?” રથની એક બાજુમાં સરકીને મોટા અવાજે બિભીષણે કુંભકર્ણને પૂછ્યું. પણ કુંભકર્ણ એટલે કુંભકર્ણ! એમ પહેલી બૂમ સાંભળે તે બીજા! બિભીપણે લોખંડના ભાથામાંથી અણીદાર તીર ખેંચીને કાઢ્યું અને ચઢાવ્યું બાણ ઉપર. દોરી ખેચીને નિશાન તાક્યું.
સરરર ફરતું તીર કુંભકર્ણના કુંડલમાંથી પસાર થઈ ગયું. ખલાસ! કુંભકર્ણ વિફર્યો! ઊછળ્યો! ગદાને ઘુમાવી! આંખોને ચગાવી! ત્યાં તો બાજુમાં બિભીષણને ખડખડ હસતો જોયો.
આ તાર, પરાક્રમ લાગે છે ખરું ને?' મારું નહિ, તમારા નાના ભાઈનું!” બન્ને હસી પડયા. કેમ શું કહેવું છે?” “એ જ કે આપણે વૈશ્રવણની સામે જંગ ખેલી લઈએ.' બિભીષણે કહ્યું. એટલે?'
For Private And Personal Use Only
