________________
આપ્તવાણી-૩
૧૫૭ જીવનનો ધ્યેય છે. અને હિન્દુસ્તાનમાં બીજો ધ્યેય, અંતિમ ધ્યેય મોક્ષ પ્રાપ્તિનો છે.
પ્રશ્નકર્તા : પરોપકારની સાથે ‘ઇગોઇઝમ'ની સંગતિ હોય છે ?
દાદાશ્રી : હંમેશાં પરોપકાર જે કરે છે તેનો ‘ઇગોઇઝમ' નોર્મલ જ હોય, તેનો વાસ્તવિક “ઇગોઇઝમ' હોય. અને જે કોર્ટમાં દોઢસો રૂપિયા ફી લઈને બીજાનું કામ કરતા હોય તેનો ‘ઇગોઇઝમ” બહુ વધી ગયેલો હોય, એટલે જેને ‘ઇગોઇઝમ' વધારવાનો ના હોય તેનો ‘ઇગોઇઝમ' બહુ વધી ગયો હોય.
આ જગતનો કુદરતી નિયમ શું છે કે તમારા પોતાનાં ફળ બીજાને આપો તો કુદરત તમારું ચલાવી લેશે. આ જ ગુહ્ય સાયન્સ છે. આ પરોક્ષ ધર્મ છે. પછી પ્રત્યક્ષ ધર્મ આવે છે, આત્મધર્મ છેલ્લે આવે મનુષ્યજીવનનો હિસાબ આટલો જ છે. અર્ક આટલો જ છે કે મન, વચન, કાયા પારકા માટે વાપરો.
[3]
દુ:ખ ખરેખર છે ?
‘રાઇટ બિલીફ ત્યાં દુઃખ નથી !
પ્રશ્નકર્તા: દાદા, દુઃખ વિશે કંઇક કહો. આ દુઃખ શેમાંથી ઉત્પન્ન થાય છે ?
દાદાશ્રી : તમે જો આત્મા છો તો આત્માને દુ:ખ હોય જ નહીં કોઇ દહાડોય અને તમે ચંદુલાલ છો તો દુઃખ હોય. તમે આત્મા છો તો દુ:ખ હોતું નથી, ઊલટું દુ:ખ હોય તે ઓગળી જાય. ‘હું ચંદુલાલ છું એ ‘રોંગ બિલીફ' છે. આ મારા વાઇફ છે, આ મારાં મધર છે, ફાધર છે, કાકા છે, કે હું ‘એકસપોર્ટ-ઇમ્પોર્ટ’નો વેપારી છું, એ બધી જાતજાતની ‘રોંગ બિલીફ' છે. આ બધી ‘રોંગ બિલીફને લઇને દુઃખ ઉત્પન્ન થાય છે. જો ‘રોંગ બિલીફ' જતી રહે ને ‘રાઇટ બિલીફ’ બેસી જાય તો જગતમાં કંઇ દુઃખ છે જ નહીં. અને તમારા જેવા (ખાધે પીધે સુખી) ને દુ:ખ હોય નહીં. આ તો બધાં વગર કામના અણસમજણનાં દુઃખો છે.
