Aptavani 03

SR No.: 008826
Original Sutra Author: N/A
Author: Dada Bhagwan
Publisher: Dada Bhagwan Foundation
Publication Year: 2003
Total Pages: 166
Language: Gujarati
Classification: Book_Gujarati & Akram Vigyan
File Size: 95 KB

Page 68

આપ્તવાણી-૩
આપ્તવાણી-૩
અજ્ઞાન ભણી ચાલ્યા. સમક્તિ થયા પછી કેવળજ્ઞાન ભણી ચાલવાનું છે. ધીમે ધીમે બોજા ઘટતા જાય, સંસારનાં લફરાં છૂટતાં જાય તેમ તેમ આનંદ વધતો જાય. ધીમે ધીમે પોતે પરમાત્મા થાય.
કેવળ એટલે એબ્સોલ્યુટ, બીજું કંઇ જ જેમાં ભળેલું નથી તે એબ્સોલ્યુટ જ્ઞાન.
અત્યારે જર્મનીવાળા કોઇ પૂછે કે વર્લ્ડમાં ‘થિયરી ઓફ એબ્સોલ્યુટિઝમ’ છે કોઇ જગ્યાએ ? તો આપણે કહીએ કે આ ‘દાદા' છે કે જે ‘થિયરી ઓફ એબ્સોલ્યુટિઝમ' જ નહીં, પણ ‘એબ્સોલ્યુટિઝમ” ના ‘થિયરમ'માં બેઠેલા છે ! તારે જે પૂછવું હોય તે પૂછ. આ અક્રમવિજ્ઞાન’ એટલે ‘થિયરી ઓફ એબ્સોલ્યુટિઝમ' છે.
- જ્ઞાનનો સ્વભાવ જ છે કે જ્ઞાન પોતે તદ્-રૂપાકાર રહે. ત્યારે એ દર્શન સ્વરૂપે રહ્યા કરે, પ્રકાશ સ્વરૂપે રહ્યા કરે અને આનંદ સ્વરૂપે રહ્યા કરે.
‘એબ્સોલ્યુટ’ સિવાયનું બીજું જ્ઞાન છે તે આનંદ ના આપે, એ તો માર્ગદર્શન બતાવે કે કેરી મળી છે. જેમ બોર્ડ મારે છે ને કે “મુંબઈ જવાનો રસ્તો'- એવી રીતે છે. ખાલી કહે છે કે “તું પૈણીશ એટલે સુખી થઇ જઇશ” તેથી કંઇ સુખી થઇ ગયો ? ના, જ્યારે એબ્સોલ્યુટ જ્ઞાનમાં તો તે જ રૂપ થઈ જાય.
- કેવળજ્ઞાન સ્વરૂપ તેને જ કહેવામાં આવે છે કે જ્યાં પુદ્ગલ પરિણતિ બંધ થઇ જાય. સર્વથા નિજ પરિણતિને કેવળજ્ઞાન કહેવામાં આવે છે. કેવળદર્શનમાં નિજ પરિણતિ ઉત્પન્ન થાય છે. નિજ પરિણતિ સંપૂર્ણ થાય એને કેવળજ્ઞાન કહેવામાં આવે છે. કેવળદર્શનમાં નિજ પરિણતિ ઉત્પન્ન થાય છે અને કેવળજ્ઞાનમાં સંપૂર્ણ થાય છે. નિજ પરિણતિ ઉત્પન્ન થયા બાદ ક્રમે ક્રમે વધ્યા કરે અને કેવળજ્ઞાન સ્વરૂપમાં પરિણમે. નિજ પરિણતિ એ આત્મભાવના છે, ‘હું શુદ્ધાત્મા છું' એ આત્મભાવના નથી.
જયાં સુધી કેવળજ્ઞાન ના થાય ત્યાં સુધી મહીંના જોયો જોવાનાં છે, ત્યાર પછી બ્રહ્માંડનાં શેયો ઝળકે. આ કાળમાં અમુક જ અંશો સુધી જોયો અને દ્રશ્યો ઝળકે.
શુદ્ધાત્મ પદ પ્રાપ્ત કર્યા પછી મહીં જે જોય છે કે જે ‘ડિસ્ચાર્જ સ્વરૂપે છે તેના આપણે જ્ઞાતા છીએ. ‘ડિસ્ચાર્જ આપણા તાબામાં નથી, ‘વ્યવસ્થિત'ના તાબામાં છે. આપણો તો જ્ઞાયકભાવ છે.
મહીં કેવળ જ્ઞાન સત્તામાં પડેલું છે, પણ આજે ઉપયોગમાં નથી આવતું. આ સત્સંગ કરીએ છીએ તે તેને વ્યકત કરીએ છીએ. એક દહાડો સંપૂર્ણ નિવારણ થઇ જશે એટલે સંપૂર્ણ વ્યકત થઈ ગયું ! પછી મારી માફક તમને પણ આનંદ જશે જ નહીં. આપણે કહીએ કે જા અહીંથી, તો ય એ ના જાય.
પ્રશ્નકર્તા: ‘એબ્સોલ્યુટ નોલેજ'ની ‘ડેફિનેશન' આપી શકશો ? દાદાશ્રી : “કેરી ગળી લાગે છે” એ જ્ઞાન છે ને ? કે અજ્ઞાન છે? પ્રશ્નકર્તા : જ્ઞાન છે.
દાદાશ્રી : એ જ્ઞાન છે, પણ તેથી કંઈ મોટું ગળ્યું થાય ખરું ? એટલે જે જ્ઞાનથી મોટું ગળ્યું ના થાય એ “એબ્સોલ્યુટ’ ના કહેવાય. જે જ્ઞાનથી સુખ જ વર્તે એનું નામ “એબ્સોલ્યુટ'. જ્યારે ‘હું શુદ્ધાત્મા છું' એ જ્ઞાન “એબ્સોલ્યુટ' થશે ત્યારે બહારનું વળગણ છૂટી જશે, સર્વ અંતરાયો તૂટી જશે ને નિરંતર પોતાનું પરમાનંદ સ્વરૂપ રહેશે.
શુદ્ધાત્મા એ પરમાત્મા નથી. શુદ્ધાત્મા તો પરમાત્માના ‘યાર્ડ'માં આવેલું સ્થાન છે. શુદ્ધાત્મ પદ થયા પછી આગળનું પદ કેવળજ્ઞાન સ્વરૂપ રહે છે, એ છેલ્લું પદ છે.
પ્રશ્નકર્તા: કેવળજ્ઞાન થાય ત્યારે પરમાત્મપદમાં આવે ?
દાદાશ્રી : આ શુદ્ધાત્મ પદ પ્રાપ્ત થાય એટલે કેવળજ્ઞાનના અંશની શરૂઆત થાય. સવશે કેવળજ્ઞાન છે. કેવળજ્ઞાનના અમુક અંશનું ગ્રહણ થાય એટલે આત્મા તદ્દન છૂટો જ દેખાયા કરે, ત્યાર પછી ‘એબ્સોલ્યુટ થાય.