Page Text
________________
આપ્તવાણી-૩
બદલાય છે.
દાદાશ્રી : સાચી વાત છે. મનના ય પરમાણુઓ બદલાયા કરે છે. ‘ડિસ્ચાર્જ’ એટલે સેકંડે સેકંડે બદલાવું અને પછી નવું પેસે છે. પણ જે ચાર્જ થયેલું તે જ નીકળે છે. પરમાણુઓ વધઘટ થતાં નથી. જે ભેગા થયેલા તે જ વિખરાય છે, ને પાછા નવા ભેગા થાય છે.
૨૯
પ્રશ્નકર્તા : આત્માની અનંત શક્તિ છે. અનંત સુખધામ છે તે શક્તિઓ પુદ્ગલને આધીન છે કે સ્વતંત્ર છે ?
દાદાશ્રી : આત્માની જે શક્તિઓ છે, તે સ્વતંત્ર શક્તિઓ છે. પ્રશ્નકર્તા : મોક્ષે જવા પુદ્ગલની શક્તિઓની જરૂર પડે ખરી?
દાદાશ્રી : પુદ્ગલના માધ્યમથી આત્માનું જ્ઞાન પ્રગટ થાય છે. શ્રુતજ્ઞાન, મતિજ્ઞાન, અધિજ્ઞાન- એ બધાં જ્ઞાન પુદ્ગલના માધ્યમથી પ્રગટ થાય છે. જેમ ૩ નંબરના કાચમાંથી જુદું દેખાય, ૪ નંબરના કાચમાંથી જુદું દેખાય.
પ્રશ્નકર્તા : જ્ઞાનીની સ્થિતિમાં પુદ્ગલ કેવું કાર્ય કરે છે ?
દાદાશ્રી : પુદ્ગલ શબ્દ છે તે જ રૂપે કાર્ય કરે છે. પૂરણ-ગલને તમારામાં અને અમારામાં કશો ફેર રાખ્યો નથી. તમને જે રીત બતાવું છું તે જ રીત અમને રહે છે. માત્ર તમને તમારા અંતરાય નડે છે.
પ્રશ્નકર્તા : પરમાણુઓ જુદા જુદા છે કે એક જ જાતના છે ?
દાદાશ્રી : પરમાણુઓ એક જ જાતના છે. જેમ આત્મા એક જ જાતના છે. તેમ આ ફેર દેખાય છે તે સ્થાન-ફેરને લઇને. સ્થાન-ફેરને લઈને ભાવ-ફેર ઉત્પન્ન થાય છે ને ભાવ ફેરને લઇને આ બધું જગત ઊભું થયું છે.
જેવું જ્ઞાન જેવા સંજોગોમાં જુએ તેવું એ શીખે. ‘ચાન્સ’ મળે તે પ્રમાણે શીખે છે. અને આ ‘ચાન્સ’ કંઇ એક્સિડેન્ટલી નથી મળતો. એ તો ‘સાયંટિફિક સરકમસ્ટેન્સિયલ એવિડન્સ'ના આધારે મળે છે.
આપ્તવાણી-૩
‘એક્સિડેન્ટ’ જેવું આ જગતમાં કશું જ બનતું નથી. લોકોને ભાસે છે કે આ 'એક્સિડેન્ટ' છે.
૩૦
પ્રશ્નકર્તા : પરમાણુઓ એના એ જ રહે છે કે ફરી જાય છે ?
દાદાશ્રી : પરમાણુઓ ફરી જાય. નહીં તો તમે શામળા શી રીતે થાઓ ! પરમાણુ જ આપણને ઉઘાડા કરે છે કે આ લુચ્ચો છે, બદમાશ છે, ચોર છે, કારણ કે પરમાણુ તે રૂપે થઇ જાય છે. જેવા ‘એને’ ભાવ થાય છે, તેવા રૂપે તે પરમાણુઓ થઇ જાય છે. ક્રોધ કરતી વખતે શરીર આમ આમ ધ્રૂજી જાય છે. તે વખતે આખા શરીરથી પરમાણુઓ મહીં ખેંચાય છે. જબરજસ્ત રીતે ખેંચાય છે.
પ્રશ્નકર્તા : પુદ્ગલ સિવાય બીજાના પરમાણુ ખરા ?
દાદાશ્રી : પુદ્ગલ સિવાય બીજા કોઇના પરમાણુ નથી. આ દેખાય છે, અનુભવમાં આવે છે, તે બધી પુદ્ગલની રમત છે.
પ્રશ્નકર્તા : પરમાણુમાં ચેતન સ્વરૂપ ખરું ?
દાદાશ્રી : પરમાણુઓ ચેતનવાળા થયા છે, ચેતનભાવને પામી ચેતનવાળા થાય છે. જેવું પૂરણ થયું તેવું ગલન થશે. જેવા ભાવને પામે તેવું ગલન થશે. ગલન થતી વખતે આપણે કશું કરવું નહીં પડે, એની મેળે જ થયા કરશે. આ દેહમાં જે પરમાણુઓ છે એ બધા ચેતન ભાવને પામેલા છે, મિશ્રચેતન થયેલા છે.
પ્રશ્નકર્તા : બહાર હોય ત્યાં સુધી ચેતનભાવને પામેલા હોય છે કે મહીં પેઠા પછી ?
દાદાશ્રી : બહાર હોય ત્યાં સુધી વિશ્રસા પરમાણુઓ કહેવાય છે. મહીં પેઠા તે પ્રયોગસા ને ફળ આપે ત્યારે મિશ્રસા.
પ્રશ્નકર્તા : આત્મહેતુ માટે જે સાધનો હોય એનાથી શુધ્ધ પરમાણુ જ પેસે ને?
દાદાશ્રી : હા એ બહુ ઊંચા પરમાણુઓ હોય. આત્માનો ઠેઠનો હેતુ
| SR No. | 008826 |
| Book Title | Aptavani 03 |
| Original Sutra Author | N/A |
| Author | Dada Bhagwan |
| Publisher | Dada Bhagwan Foundation |
| Publication Year | 2003 |
| Total Pages | 166 |
| Language | Gujarati |
| Classification | Book_Gujarati & Akram Vigyan |
| File Size | 95 KB |