________________
| १० |
શ્રી નિશીથ સૂત્ર
| ३ जे भिक्खू माउग्गामस्स मेहुणवडियाए तणमालियं वा जाव हरियमालियं वा पिणद्धेइ, पिणखेंतं वा साइज्जइ । |४ जे भिक्खू माउग्गामस्स मेहुणवडियाए अयलोहाणि वा तंबलोहाणि वा तउयलोहाणि वा सीसलोहाणि वा रुप्पलोहाणि वा सुवण्णलोहाणि वा करेइ, करेंत वा साइज्जइ । | ५ जे भिक्खू माउग्गामस्स मेहुणवडियाए अयलोहाणि वा जाव सुवण्णलोहाणि वा धरेइ, धरेत वा साइज्जइ । |६ जे भिक्खू माउग्गमस्स मेहुणवडियाए अयलोहाणि वा जाव सुवण्णलोहाणि वा पिणद्धेइ, पिणतं वा साइज्जइ । |७ जे भिक्खू माउग्गामस्स मेहुणवडियाए हाराणि वा अद्धहाराणि वा एगावली वा मुत्तावली वा कणगावली वा रयणावली वा कडगाणि वा तुडियाणि वा केऊराणि वा कुडलाणि वा पट्टाणि वा मउडाणि वा पलंबसुत्ताणि वा सुवण्णसुत्ताणि वा करेइ, करेंतं वा साइज्जइ । ८ जे भिक्खू माउग्गामस्स मेहुणवडियाए हाराणि वा जाव सुवण्णसुत्ताणि वा धरेइ, धरेत वा साइज्जइ । | ९ जे भिक्खू माउग्गामस्स मेहुणवडियाए हाराणि वा जाव सुवण्णसुत्ताणि वा पिणद्धेइ, पिणखेंतं वा साइज्जइ । १० जे भिक्खू माउग्गामस्स मेहुणवडियाए- आइणाणि वा सहिणाणि वा सहिणकल्लाणाणि वा आयाणि वा कायाणि वा खोमियाणि वा दुगुल्लाणि वा तिरीडपट्टाणि वा मलयाणि वा पत्तुण्णाणि वा अंसुयाणि वा चिणंसुयाणि वा देसरागाणि वा अभिलाणि वा गज्जलाणि वा फालिहाणी वा कोयवाणि वा कंबलाणि वा कंबल पावराणि वा उद्दाणि वा पेसाणि वा पेसलेसाणि वा किण्हमिगाईणगाणि वा णीलमिगाईणगाणि वा गोरमिगाईणगाणि वा कणगाणि वा कणगंताणि वा कणगपट्टाणि वा कणगखचियाणि वा कणगफुसियाणि वा वग्घाणि वा विवग्घाणि वा आभरण चित्ताणि वा आभरण विचित्ताणि वा करेइ, करेंतं वा साइज्जइ। |११ जे भिक्खू माउग्गामस्स मेहुणवडियाए आइणाणि वा जाव आभरण विचित्ताणि वा धरेइ, धरेंत वा साइज्जइ । १२ जे भिक्खू माउग्गामस्स मेहुणवडियाए आइणाणि वा जाव आभरण विचित्ताणि वा पिणद्धेइ, पिणतं वा साइज्जइ ।
