________________
શ્રી ચંદ્રપ્રાપ્તિ સૂત્ર મૂળપાઠ
४०३
पडिवत्तीओ उदए, अदुव अत्थमणेसु य । भेयघाए कण्णकला, मुहुत्ताण गई इय ॥१३॥ णिक्खममाणे सिग्घगई, पविसंते मंदगई इ य । चुलसीइ सयं पुरिसाणं, तेसिं च पडिवत्तीओ ॥१४॥ उदयम्मि अट्ठ भणिया, भेयग्धाए दुवे च पडिवत्ती । चत्तारि मुहुत्तगईए, होति तइयम्मि पडिवत्ती ॥१५॥ आवलिया मुहुत्तग्गे, एवं भागो य जोगस्स । कुला य पुण्णमासी य, सण्णिवाए य सठिई ॥१६॥ तारग्गं च णेता इ, चंदमग्गत्ति यावरे । देवाणं य अज्झयणा, मुहुत्ताणं णामया इ य ॥१७॥ दिवसा राई य वुत्ता य, तिहि गोत्ता भोयणाणि य । आइच्चचार मासा य, पंच संवच्छरा इय ॥१८॥ जोइसस्स य दाराई, णक्खत्तविसए इय । दसमे पाहुडे एए, बावीस पाहुड-पाहुडा ॥१९॥ तेणं कालेणं तेणं समएणं मिहिला णाम णयरी होत्था, वण्णओ ॥१॥
तीसे णं मिहिलाए णयरीए बहिया उत्तरपुरस्थिमे दिसीभाए एत्थ णं माणिभद्दे णाम चेइए होत्था चिराईए वण्णाओ तीसे णं मिहिलाए णयरिए जियसत्तू णाम राया, धारिणी देवी, वण्णओ तेणं कालेणं तेणं समएणं सामी समोसढे, परिसा णिग्गया, धम्मो कहिओ, परिसा पडिगया जाव राया जामेव दिसिं पाउब्भूए तामेव दिसि पडिगए।
तेणं कालेणं तेणं समएणं समणस्स भगवओ महावीरस्स जेट्टे अंतेवासी इंदभूई णाम अणगारे गोयमगोत्ते सत्तुस्सेहे जाव पज्जुवासमाणे एवं वयासी
ता कहं ते मुहुत्ताणं वुड्डीवुड्डी य आहिएति वएज्जा ?
गोयमा ! ता अट्ठ एगूणवीसे मुहुत्तसयाई सत्तावीसं च सत्तसट्ठिभागा मुहुत्तस्स आहिएति वएज्जा ।
जाव.....
