________________
ચોથો વક્ષસ્કાર
२३७
ચોથો વક્ષસ્કાર
2eo
ॐSSSS
ચુલ્લહિમવંત વર્ષધર પર્વત :| १ कहि णं भंते ! जंबुद्दीवे दीवे चुल्लहिमवंते णामं वासहर पव्वए पण्णते?
गोयमा ! हेमवयस्स वासस्स दाहिणेणं, भरहस्स वासस्स उत्तरेणं, पुरथिमलवणसमुदस्स पच्चत्थिमेणं, पच्चत्थिमलवणसमुदस्स पुरत्थिमेणं एत्थ णं जंबुद्दीवे दीवे चुल्लहिमवंते णामं वासहरपव्वए पण्णत्ते । पाईणपडीणायए, उदीणदाहिणवित्थिण्णे, दुहा लवणसमुदं पुढे पुरथिमिल्लाए कोडीए पुरथिमिल्लं लवणसमुदं पुढे, पच्चत्थिमिल्लाए कोडीए पच्चत्थिमिल्लं लवणसमुदं पुढे ।
एगंजोयणसयं उड्डे उच्चत्तेणं, पणवीसं जोयणाई उव्वेहेणं, एगंजोयणसहस्सं बावण्णं च जोयणाई दुवालस य एगूणवीसइभाए जोयणस्स विक्खंभेणं । तस्स बाहा पुरथिम पच्चत्थिमेणं पंच जोयणसहस्साई तिण्णि य पण्णासे जोयणसए पण्णरस य एगूणवीसइभाए जोयणस्स अद्धभागं आयामेणं ।।
तस्स जीवा उत्तरेणं पाईणपडीणायया जावपुरथिमिल्लाएकोडीए पुरथिमिल्लं लवणसमुदं पुट्ठा, चउव्वीसं जोयणसहस्साइं णव य बत्तीसे जोयणसए अद्धभागं च एगूणवीसएभाए किंचि विसेसूणा आयामेणं पण्णत्ता । तीसे धणुपुढे दाहिणेणं पणवीसं जोयणसहस्साई दोण्णि य तीसे जोयणसए चत्तारि य एगूणवीसइभाए जोयणस्स परिक्खेवेणं पण्णत्ते ।
रुयगसंठाणसंठिए सव्वकणगामए, अच्छे, सण्हे जाव पडिरूवे । उभओ पासिं दोहिं पउमवरवेइयाहिं दोहि य वणसंडेहिं संपरिक्खित्ते दुण्हवि पमाणं वण्णओ । चुल्लहिमवंतस्स वासहरपव्वयस्स उवरि बहुसमरमणिज्जे भूमिभागे पण्णत्ते, से जहाणामए आलिंगपुक्खरेइ वा जाव बहवे वाणमंतरा देवा य देवीओ य आसयंति जाव विहरति ।
