________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
જ્ઞાનપંચમી
જીવન જીવવાની કળા જે શીખવે એને સમ્યકજ્ઞાન કહેવાય છે. પેટ ભરવાની કળાને જ્ઞાન નહીં પણ અજ્ઞાન માનવામાં આવ્યું છે. જે આત્માને સંસારની આસક્તિમાંથી વિરક્ત કરે, પરોપકારી બનાવે તેને જ્ઞાન કહે છે.
જ્ઞાનના પ્રકાશમાં જીવનની યાત્રા પૂર્ણ બને છે. અજ્ઞાન એ અંધકાર છે, અંધકારમાં જીવન અટવાય છે. આ જ્ઞાન પ્રાપ્ત કેવી રીતે થાય ? એ પ્રાપ્ત થઈ શકે છે નમ્રતાના માધ્યમથી અને ગુરુની કૃપાથી. નમ્રતા એ જ્ઞાનપ્રાપ્તિનું પ્રવેશદ્વાર છે.
- સત્યને પરિચય કરાવવાનું કામ પણ જ્ઞાનનું છે. આ જ્ઞાન તે બીજું કંઈ નહીં પણ સ્વયંનું જ્ઞાન છે અને સ્વયં–જાતે જ પ્રાપ્ત કરવાનું છે. એને માટે જરૂર છે સમ્યફ પ્રયત્નની !
અંધકારમાં ભટકવાનું થાય છે, જ્ઞાનના પ્રકાશમાં ચાલવાનું થાય છે. ભટકવા અને ચાલવામાં ઘણે તફાવત છે, એટલો જ તફાવત કરવા અને ડૂબવામાં છે. જ્ઞાન તરવાનું શીખવે છે, અજ્ઞાન ડુબાડે છે. આજના વ્યાવહારિક જીવનમાં ધાર્મિક તેમ જ નૈતિક જ્ઞાનના અભાવથી જીવનની વિષમતાઓ જન્મે છે.
For Private And Personal Use Only
