________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
युगादिवन्दना
चिन्तामण्यादय इह फलैरैहिकैः किश्चिदासन् ,
दातृत्वाख्यास्त्वयि तु सततं शैलमौले प्रसप॑त् । नानानन्तातुलफलकलादानशक्तिप्रभावः,
किं तच्चित्रं ननु सुगुरवः सर्वशक्तिप्रयुक्ताः ॥१४॥ सद्धिः सेव्यः सुगुरुरिति या ख्यातिरास्ते यथार्था,
चक्रे सैवं विमलगिरिणा भावना भावितानाम् । एतत्तीर्थोत्तम गुरुधियामिष्टशिष्टार्थदानैः,
सर्व युक्तं सततसफलाः सेविनां स्युर्महान्तः ॥१५॥ स्मारं स्मारं विशदशिवदं रूपरूपं तवात्म,
स्वान्तं पूर्त नयनसुभगच्छायशृङ्गप्रसङ्गम् । कारं कारं त्वयि नुतिरत शैलवाकायशुद्धि,
कुर्वे सन्तः खलु परिचितास्तान्तिशान्त्यै प्रसन्नाः ।।१६।। सौभाग्यं तेऽनुपम महिमारम्यमान्याः क्षमः कः,
शक्त्या बक्तुं शिखरिमुकुट त्वद्गुणध्यानधन्याः । सम्पत्प्राप्ति भवभयभिदं भाग्यसौभाग्यभोगं,
लब्ध्वा हृष्टप्रकृतय इहानन्दकन्दा हि सन्तः ।।१७।। वन्दे शत्रुञ्जयगिरिवरं विश्वसम्पद्विलासं
श्रेयः श्रीणां ललनसदनं ब्रह्मलक्ष्मीविनोदम् । कर्मारीणां सरसविजयस्तम्भमिष्टधुरत्नं,
सद्वोहित्थं भवभयजले सर्वसिद्धिप्रसिद्धिम् ।।१८।। इत्यानन्दमहोदयोज्ज्वलकलालीलाविलासान्नुतः,
श्रीशत्रुअयनामतीर्थशिखरी सौभाग्यचूडामणिः । त्रैलोक्योदितहर्षहर्षविनयश्रीसूरितप्रौढिमं,
बोधि मे विदधातु कामितफलं श्रीधर्महंसश्रियम् ॥१९॥
For Private And Personal Use Only
