________________
પ્રવચન નં. ૬ આવેલો મંત્ર છે જ્ઞાનીઓને આ પ્રકારે અનુભવ થયો છે એમ શાસ્ત્રમાં લખાણ છે. “હું જાણનાર છું કરનાર નથી અને પછી “જાણનાર જ જણાય છે ખરેખર પર જણાતું નથી.” બસ આ ફક્ત એક-બે મંત્ર છે. અને કોર્ષ છ મહિનાનો છે. ત્રણ ત્રણ મહિનાના બે ભાગ પાડી દેવા.
“હું જાણનાર છું ને કરનાર નથી.” ત્રણ મહિનામાં જો આ પાઠ પાકો થઈ જાય તો બીજો પાઠ “જાણનાર જણાય છે ખરેખર પર જણાતું નથી.” આહા! હવે પર જણાતું જ નથી તો પછી મોહ, રાગ દ્વેષ ઉત્પન્ન જ ક્યાંથી થાય ? પર જણાય તો આ ઠીક ને આ અઠીકની ઈષ્ટ-અનિષ્ટની, કલ્પના થાય ને? પણ જ્ઞાન જ્ઞાનને જાણતા ઈષ્ટ અનિષ્ટની કલ્પના થતી નથી. મોહ રાગ દ્વેષનો અભાવ થવાથી અલ્પકાળમાં અરિહંતપદની પ્રાપ્તિ થઈને સિદ્ધ પરમાત્મા થાય છે.
