Page Text
________________
૪૦૬
જ્ઞાયક સ્વરૂપપ્રકાશન નથી, અને આ એની સ્વચ્છતાને છોડીને ત્યાં જતો નથી. સહજ જ એવો સંબંધ છે કે જેવો જે પદાર્થનો આકાર છે તેવા જ આકારરૂપે અરીસામાં પ્રતિબિંબિત થાય છે પણ અરીસામાં પદાર્થો આવતા નથી. સ્ફટિકમણીની સામે લાલફૂલ હોય છે, ત્યારે એનો પ્રતિભાસ થાય છે. સ્વચ્છતા છે એનામાં, સ્ફટિકમણીની પર્યાયમાં સ્વચ્છતા છે, તો એ રાતો હોય તો રાતો ને કાળો હોય તો કાળો, ફૂલ જેવા રંગનું હોય એવું અહીંયા પ્રતિબિંબિત થાય છે, તો અજ્ઞાની જીવને એમ લાગે છે કે આ કાચ રાતો થઈ ગયો.
એમાં એવો બનાવ બન્યો. ઝવેરી બજારમાં એક ખેડૂત પાસે સ્ફટિકમણી આવ્યો. કોઈ જમીનમાંથી નીકળ્યો ને ઈ ભૂલેશ્વરમાં આવ્યો તેંચવા. ત્યાં બજાર ભરાય છે. કે ભૈયા પૈસા સારા આવશે. તો ઈ ખેડૂત કહે કે મારે આ કાચ વેંચવો છે. ઈ ખેડૂત તો તેને કાચ જ કહે ને? હરરાજી થઈને એક રૂપિયાથી માંડીને ધીમે ધીમે પાંચ રૂપિયા સુધી પહોંચ્યાં. મારે પાંચ રૂપિયામાં વેચવો નથી કાચ, એમાં ઝવેરી આવ્યા ત્યાં. પોતે શાકના શોખીન પોતે લેવા આવ્યા માર્કેટમાં, આમ ભીડ જોઈ કે છે શું? આમ સ્ફટિકમણી જોયું. સમજી ગયા કે આ તો માલ લાગે છે.
આજુબાજુ બધા લાલ પડદા હતા કાપડીયાના અને એનો અહીંયા પ્રતિભાસ થતો હતો. ઈ રતાશ એમાં આવી નથી, માને તોય ન આવે ને ન માને તોય, રાતી પર્યાય થાય જ નહીં. એ તો ભ્રાંતિ છે બંધ અધિકારમાં એને ભ્રાંતિમાં નાખ્યું છે, મને ખબર છે બધી. પણ ભણેલો હોય ને? કે એલા બંધ સિદ્ધ કરવો છે કે મોક્ષ સિદ્ધ કરવો છે? તારે કરવું છે શું હવે? હજી તારે ભ્રાંતિને પોષણ થાય એવી વાત તારે સાંભળવી છે કે ભ્રાંતિ ટળે એવી વાત સાંભળવી છે? તો ઈ ઝવેરીએ આમ જોયું છેટેથી અને એની પાસે ગયા કે આ શું છે? તારે વેંચવો છે? કે, હા. શેઠ વેચવો છે કાચ. તો કેટલામાં? કે આ કોઈ પાંચ રૂપિયાથી વધારે ચડતું નથી. પણ તારે કેટલામાં વેંચવો છે મને કહે, મારે ઘરે છે મહેમાન. મારે ત્યાં શાક લઈ જવાની ઉતાવળ છે. શેઠ ! સો રૂપિયા લાગશે સો. ઝવેરી પાકા ૧૦ લાખનો માલ ૧૦૦ રૂપિયામાં લઈ લીધો. સોની નોટ આપી દીધી અને ટેક્ષીવાળાને કહે જલ્દી ભાગ હવે, તું પાછું વાળીને જોઈશમાં.
બીજે દિવસે એને ૧૦ લાખમાં સોદો કરી લીધો, સોદો કર્યો ડીલીવરી ન આપી, ત્રીજે દિવસે આવ્યા શેઠ ભૂલેશ્વરમાં, ત્યાં બધાને ભેગાં કરી. કાલની હરરાજીવાળા ભાઈઓ કહેવાય ને, મારા બંગલે આ રવિવારે ચા પાણી પીવા માટે આમંત્રણ આપું છું. આવ્યા બધાય. મોટો કરોડપતિ અબજોપતિ શેઠ. તો બદામની પુરી, કાજુની પુરી, હલવા ને પાર વગરની વસ્તુ, આમ ટેબલ ઉપર. ઓલા બધા શેઠ કહે આ શું છે? કહે, વાત તો કરો,
| SR No. | 008241 |
| Book Title | Gnayak Swaroop Prakashan |
| Original Sutra Author | N/A |
| Author | Lalchandra Pandit |
| Publisher | Digambar Jain Kundamrut Kahan |
| Publication Year | 2007 |
| Total Pages | 487 |
| Language | Gujarati |
| Classification | Book_Gujarati, Spiritual, & Discourse |
| File Size | 3 MB |