________________
Version 001: remember to check hffp://www.AtmaDharma.com for updates
૨૬ ]
[ છ ઢાળા
નરકગતિ- નરકગતિ નામકર્મના ઉદયથી નરકમાં જન્મ લેવો. નિગોદ- સાધારણ નામકર્મના ઉદયથી એક શરીરના આશ્રયે અનંતાનંત જીવો સમાનરૂપે જેમાં રહે છે, મરે છે અને પેદા થાય છે, તે શરીર સાધારણ કહેવાય છે. નિત્યનિગોદ- જ્યાંના જીવોએ અનાદિ કાળથી આજ સુધી ત્રસનો પર્યાય પ્રાપ્ત કર્યો નથી એવો જીવરાશિ. પણ ભવિષ્યમાં તે જીવ ત્રસનો પર્યાય પામી શકે છે.
પરિવર્તન- દ્રવ્ય, ક્ષેત્ર, કાળ, ભાવ અને ભવરૂપ સંસારચક્રમાં પરિભ્રમણ.
પંચેન્દ્રિય- જેને પાંચ ઇન્દ્રિયો હોય છે એવા પ્રાણી.
પૃથ્વીકાયક- પૃથ્વી જ જે જીવનું શરીર છે તે.
પ્રત્યેક વનસ્પતિ- જેમાં એક શરીરનો સ્વામી એક જીવ હોય છે એવાં વૃક્ષ, ફળ વગેરે.
ભવ્ય-ત્રણ કાળમાં કોઈ પણ વખતે રત્નત્રયની પ્રાપ્તિની યોગ્યતા રાખવાવાળો જીવ ભવ્ય કહેવાય છે.
મન- હિત-અહિતનો વિચાર કરવાની તથા શિક્ષા અને ઉપદેશ ગ્રહણ કરવાની શક્તિ સહિત જ્ઞાન-વિશેષ તેને ભાવમન કહે છે; તથા હૃદયસ્થાનમાં રહેલ આઠ પાંખડીવાળા કમળના આકારે પુદ્ગલપિંડ, તેને જડમન અર્થાત્ દ્રવ્યમન કહે છે.
Please inform us of any errors on Rajesh@AtmaDharma.com
