________________
Version 001: remember to check http://www.AtmaDharma.com for updates
૮૪ ]
[ છે ઢાળા ગાથા ૧૪ (ઉત્તરાર્ધ) છ અનાયતન દોષ અને ત્રણ મૂઢતા દોષ કુગુરુ-કુદેવ-કુવૃષ-સેવકકી, નહિં પ્રશંસ ઉચરે હૈ; જિનમુનિજિનશ્રુત વિન કુગુરાદિક, તિન્હેં ન નમન કરે હૈ.
અવયાર્થ:- [ સમ્યગ્દષ્ટિ જીવ] (કુગુરુ-કુદેવ-કુવૃષસેવકકી) કુગુરુ, કુદેવ, કુધર્મ, કુગુરુસેવક, કુદેવસેવક અને કુધર્મસેવકની (પ્રશંસ) પ્રશંસા (નહિ ઉચરે હૈં) કરતો નથી. ( જિન) જિનેન્દ્રદેવ (મુનિ) વીતરાગ મુનિ [ અને ] (જિનશ્રુત) જિનવાણી ( વિન) સિવાય [ જે] (કુગુરાદિક) કુગુરુ, કુદેવ, કુધર્મ ( તિહુઁ) તેને (નમન) નમસ્કાર (ન કરે હૈ) કરતો નથી.
ભાવાર્થ-૧-કુગુરુ, ૨-કુદેવ, ૩-કુધર્મ, ૪-કુગુરુસેવક,૫કુદેવસેવક અને ૬-કુધર્મસેવક, એ છ અનાયતન (ધર્મના અસ્થાન) દોષ કહેવાય છે. તેની ભક્તિ, વિનય અને પૂજન વગેરે તો દૂર રહો પણ સમ્યગ્દષ્ટિ જીવ તેની પ્રશંસા પણ કરતા નથી, કારણ કે તેની પ્રશંસા કરવાથી પણ સમ્યકત્વમાં દોષ લાગે છે. સમ્યગ્દષ્ટિ જીવ જિનેન્દ્રદેવ વીતરાગ મુનિ અને જિનવાણી સિવાય કુદેવ, કુગુરુ અને કુશાસ્ત્ર વગેરેને [ ભય, આશા, લોભ અને સ્નેહ વગેરેથી પણ ] નમસ્કાર કરતા નથી, કારણ કે તેને નમસ્કાર કરવામાત્રથી પણ સમ્યક્ત્વ દૂષિત થઈ જાય છે અર્થાત્ કુગુરુ-સેવા, કુદેવ સેવા અને કુધર્મ-સેવા એ ત્રણ સમ્યકત્વના મૂઢતા નામના દોષ છે. ૧૪.
Please inform us of any errors on Rajesh@AtmaDharma.com
