________________
પસાર કરવા વાતો કરતા. અમે ચાતુર્માસ આવ્યા બાદ અમારી(ગુરુની) સેવા માટે એ પણ બંધ કરી દીધું !
મકાનમાં એક રૂમમાં અંધારું પડતું હોવાથી દીવાલમાં ૩ ૪ ૫ ફૂટ જેટલો ભાગ બારી મૂકવા માટે તોડવાની વાત કરી તો તુરંત સંમતિ આપી !!! સંઘે બોલાવેલ માણસ તોડવાનું કામ કરવા આવ્યો ત્યારે જોવા પણ ન આવ્યા. એ કહે કે ગુરુજીને જેમ અનુકૂળ પડે તેમ કરો. એમાં મને કોઈ વાંધો નથી.
પર્યુષણ બાદ અમે સાધુઓ ૨-૩ દિવસ પૂ. ગચ્છાધિપતિશ્રીને વંદન કરવા ગયા. પાછા આવ્યા ત્યારે હિમાંશુભાઈ બોલ્યા, “ગુરુજી ! આપના વગર બે દિવસ કાઢવા અઘરાં લાગ્યા, બધુ સુનું સુનું લાગતું હતું.”
શહેરની પોળોમાં દર્શન કરવા ઘાટલોડિયા સંઘના ભાવિકો ગયા ત્યારે હિંમાશુભાઈ પણ જોડે ગયા. આશરે ૧૫ દેરાસરના દર્શન કર્યા. પૂ. ગચ્છાધિપતિશ્રીના દર્શન કરવા પણ સંઘની જોડે ચાલતા ગયા. ચાતુર્માસ બાદ વિહાર પછી પણ હિંમાશુભાઈ અમને વંદન કરવા અન્યત્ર આવ્યા. આજે પણ હિમાંશુભાઈ જેવા અન્ય ઘણા અજૈનોને વિહારના ગામોમાં ભક્તિ કરતા જોઈએ ત્યારે એ જીવોની હળુકર્મિતા દેખાય. આવા જીવો નજીકના કાળમાં વીતરાગનું શાસન પામીને મોક્ષમાર્ગમાં આગળ વધી જતા હોય છે. અમદાવાદ-પાલીતાણા વિહારના અનેક સ્થળોમાં ઢગલાબંધ અજૈનો ગોચરી ભાવથી-વિનંતીપૂર્વક વહોરાવતા જોયા છે. ભૂરિ ભૂરિ અનુમોદના. જૈન આદર્શ પ્રસંગો-૧૪] 8િ [ ૩૯ ]
