________________
(૨૫) બાળકનું સમાધિ મૃત્યુ બ્રેઈન ટ્યુમરનો ભયંકર રોગ ! આટલી નાની ઉંમરના બાળકને ! પિતા જનકભાઈ અને માતા પૂર્ણિમાબેનને દીકરા નિલયના રીપોર્ટ પરથી બ્રેઈન ટ્યુમરના સમાચાર ડોક્ટરે આપ્યા
ત્યારે બંનેને ખૂબ જ આઘાત લાગ્યો. દવાઓ અને રેડીએશન વિગેરે સારવાર ચાલુ કરી અને ડૉક્ટરોએ લાખોના ખર્ચે સર્જરી પણ કરી. જ્યારે પુણ્ય સાથ ન આપે ત્યારે શું ? સર્જરી નિષ્ફળ ગઈ અને મા-બાપને દીકરાના મૃત્યુના ભણકારા વાગવા માંડ્યા. વર્ષ આમને આમ વીતી ગયું. એકવાર ગુરુ ભગવંતના પ્રવચનમાં લઈ ગયા, પ્રવચન બાદ ગુરુ ભગવંતને રોગની જાણ થતા બાળકને તથા પરિવારને ધર્મની તથા સમાધિની મહત્તા સમજાવી, મક્કમ થવા જણાવ્યું, નિલય પોતે પણ એ સાંભળી મક્કમ બન્યો. લગભગ દોઢ વર્ષ વીતી ગયું.
આખું વિશ્વ જયારે ઈ.સ. ૨૦૦૬ની ઉત્તરાયણ મનાવતું હતું ત્યારે સુરતના આ પરિવારમાં નિલયનો પ્રસંગ એની મા પૂર્ણિમાબેનના શબ્દોમાં જ વાંચો. “૧૪-૧-૨૦૧૬ ના સાંજે રોજની જેમ સાંજે ૭ વાગે ઘરમાં રાખેલા દર્શનીય પ્રભુજી પાસે નિલયને અમે ચૈત્યવંદન-ભક્તિ કરાવી. એમાં પલંગમાં એ આડો પડ્યો અને હું ઘરના કોઈક કામમાં લાગી.”
૯-૩૦ વાગ્યાનો ટાઈમ હતો અને અંદરના રૂમમાંથી પલંગ પર હાથ પછાડવાનો અવાજ આવ્યો. અમે સૌ દોડ્યા. એણે મને કહ્યું કે, “મમ્મી બહુ ગભરામણ થાય છે.” મેં તેને કહ્યું, “ગભરાઈશ નહીં, નવકારમંત્ર ગણ. બધું જ સારું થઈ જશે.”
[જન આદર્શ પ્રસંગો-૧૪]
4િ
[ ૩૫ |
