________________
ડૉક્ટર આશ્ચર્ય પામ્યા. ક્યાંક લખાયું છે કે ભગવાન ક્યાં છે? એમ ન પૂછશો. પૂછવું હોય તો એમ પૂછો કે ભગવાન ક્યાં નથી ?'
આજે પણ પરમાત્મા વીતરાગના ધર્મના અચિંત્ય પ્રભાવો, પરચા અવશ્ય મળે છે. ચાલો, આપણે પણ નાસ્તિકતાની અધમ કેડી છોડી આસ્તિકતાની પરમ કેડી પર શ્રદ્ધાથી ડગ ભરી પરમ પદને પામીએ એ જ પ્રભુને પ્રાર્થના !
(૧૮) નવસ્મરણથી નવસિદ્ધિ
એ પરિવારમાં માતા ખૂબ ધર્મી હોવાથી બંને પુત્રોને પણ ધર્મના સંસ્કારો ખૂબ આપેલાં. કંદમૂળ ત્યાગ, અભક્ષ્ય ત્યાગ, રોજ નવકારશી-જિનપૂજા વિગેરે આરાધના કરાવતી. મોટો દીકરો શંખેશ્વરની જાત્રા મહિનામાં એક વાર કરે.
પ્રસંગ એવો બન્યો કે ઉપરના માળે મિસ્ત્રી પરિવાર રહેતો હતો. મિસ્ત્રીની દીકરી અને તેની મા પણ ઘણીવાર યાત્રા કરવા પાલીતાણા, શંખેશ્વર વિગેરેમાં જોડે આવતાં. ધીરે ધીરે બંને પરિવારનો પરિચય, અવરજવર વધવા લાગી. મોટા દીકરાને મિસ્ત્રીની દીકરી સાથે પ્રેમ થયો. દીકરાએ માને વાત કરી કે હું તો લગ્ન ઉપરવાળી મિસ્ત્રીની છોકરી જોડે જ કરીશ. માએ ઘણું સમજાવ્યો કે લગ્ન તો જૈન કુળની કન્યા સાથે જ કરાય. જૈન કુળના સંસ્કાર ઉત્તમ હોય. જીવદયા એના લોહીના અણુ અણુમાં હોય. માટે આપણે જૈન કન્યા સાથે લગ્ન ગોઠવીશું.
પણ દીકરો ન માન્યો. માએ પ્રભુને પ્રાર્થના ભાવથી કરી (જેન આદર્શ પ્રસંગો-૧૪]
[ ૨૭]
